Proverbios 21:23 - La'aqtaqa Ñim Lo'onatac 'Enauacna 2013

²³ Ca ỹaỹaten da ilotague' ca 'enapec, qalaq saishet da ivireguet ca nque'eenaxac.

Proverbios 21:23 Referans Kwoze

Proverbios 13:3

Ca ilo'oguelo naua la'aqtaqa qalaq maiche ntela'a da nachaalataxac, qaq ca qalota na la'aqtacpi qalaq maiche nlaxattapeguela't.

Proverbios 18:21

Da nca'alaxa qataq da nleuaxa qalaq chegaqaiguilo ca 'enapec ñi nachaxat, qaq ca qalota da ltaxaỹaxac nache maiche nque'etaxaachigui ca naigui naua la'aqtaqa.

Santiago 1:26

Da huo'o ca ipi'itaxaatega da ỹataqta qui'itta, qalaxaye saishet da ilo'oguelo naua la'aqtaqa, nache camaye maiche natenachettapeguela't, qataq da la'amqaanataxanaxac ỹataqta qaica ca naigui.

Proverbios 12:13

Ca qauemaic qalaq lpachigui da maiche latenataxanaxac, qaq ca ỹale no'on da lataxac qalaq qaica ca nqalanaxac da huo'o ca huaigui.

Proverbios 10:19

Ca qalota na la'aqtacpi qalaq qalota da lsomaxac, qaq ca ỹaỹaten da ñe'emaxat camaye ỹaanaxanaxaic.

Salmos 141:3

'Am Nataxala', ñaq 'auauo'o qome ca nauaatac na aỹap, cam nauaatac da detaqa na aỹap.

Proverbios 16:17

Da llecỹaxac ca no'on da lataxac, qalaq qaỹoqtaique naqa'en na qauem, qaq ca ntela'a da maiche no'on lataxac qalaq maiche ntel-la't.