Proverbios 21:2 - La'aqtaqa Ñim Lo'onatac 'Enauacna 2013

² Ca shiỹaxaua 'eeta'am da ỹaỹamaqchiguiñi naqa'en 'enauac nam ỹo'otpi, qalaxaye Ñim Nataxala', nacheñi ñi nmit na 'eetapeguecpi camaye.

Proverbios 21:2 Referans Kwoze

Proverbios 16:2

Ca ỹale 'eeta'am naqa'en da 'onaxaic 'enauac na ỹo'ottacpi, qalaxaye Ñim Nataxala', nacheñi ñi nmit na nhuennataxacpi.

Proverbios 16:25

Huo'o ca nqa'aic maye 'eeta'am da ỹashectec, qalaxaye ca loga't camaye huetaña da nleuaxa.

Lucas 16:15

Nache So Jesús 'enapeco': «Qami' maye nacheqami' choche qanachaxañiitega 'enauac na shiỹaxauapi da qami' no'o'n, qalaxaye Ñim Lo'onatac 'Enauacna ỹauatto'n naua qarquiyaqchilli'. Cha'aye cam ỹamata'ac nam shiỹaxauapi da 'eetega 'amaqtaqaic, qaq nacheca cam ỹataqta ỹaỹemec Ñim Lo'onatac 'Enauacna.

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Proverbios 30:12

Qataq huo'o na ipi'itaxaatega da qui'itta da lataxac, qalaxaye saishet da iỹouec na ishepaxanaqchet da lataxac.

1 Samuel 16:7

Qalaxaye Ñim Nataxala' 'enapega somaye, 'eeta': «Saishet qome da 'aulotagui da yo'oqchigui lataxac, qataq da lalogaxa, cha'aye saishet da nachera da selotagui. Cam shiỹaxaua ilotagui da yo'oqchigui nataxac, qalaxaye Aỹem saishet da selotagui da yo'oqchigui lataxac ca shiỹaxaua, nda'a't da selotagui da lquiyaqteỹaxac.»

Proverbios 24:12

Cha'aye na'aictoxo' da qonapec sa 'auaỹaten de'era, qalaxaye Ñi nmit 'enauacna, Ñimaye ỹaỹateetac damaye qataq Ñim 'am ilotague' ỹaỹateeta de'era, Ñim isheeten qome ca lo'onatac ñi 'oonolec shiỹaxaua.

Santiago 1:22

¡Qaualaqaiguet da la'aqtaxanaxac Ñim Lo'onatac 'Enauacna! Cha'aye da choche qana'axaỹaxañeetega, qalaxaye saishet da qaualaqaiguet, nache maiche qanatenacheetapeguela't, nache qoñiita'am ca nalleta'ai' aca tannaxai. Da camaye da jec, qaq da qaỹata'ague, nache icoua'ai da lataxac.

Salmos 36:2

Nache camaye ipi'itaxaatega da huo'o da ño'oxonnataguec, qataq saishet da deqaictega na qauemsat maye ỹo'ottac.

Gálatas 6:3

Cha'aye da huo'o ca ipi'itaxaatega da 'amaqtaqaic, qamaq nache qoỹena'am, nache camaye maiche natenachettapeguela't.

Proverbios 20:6

Ỹataqta qalota na 'eetega da no'on da lataxac, qalaxaye saishet da saqalaq da qaỹanata ca ỹoqta ishet da qaipi'iỹa'a.

Proverbios 12:15

Ca qaica ca ỹaỹaanapec ipi'itaxana da ỹaỹamaqchiguiñi 'enauac na ỹo'ottacpi, qaq ca ỹaanaxanaxaic qalaq iloteguet na nqataxacpi.

Da na'aqtaguec so Job 31:6

¡Qaq 'onaxaico' da Ñim Lo'onatac 'Enauacna naloqten da ỹataxac, nache maiche ỹaỹaten da qaica ca ỹasouaxashet!

Proverbios 17:3

Na oro qataq na plata qalaq qaỹauota'a na norec na qaỹe'eguen da ỹoqta 'eesa, qaq na nhuennataxacpi qalaq nacheñi Ñim Nataxala' ñi ỹe'eguen.

Daniel 5:27

qaq ye TEKEL, naigui da 'am nta'a, mashe 'am qanaloqten qaỹauota'a aso naloqnaxanaxaqui, nache qaỹaỹaten da saishet da 'avi' yem ỹoqta 'arsallaxa ctaxa,