Proverbios 21:13 - La'aqtaqa Ñim Lo'onatac 'Enauacna 2013

¹³ Ca saishet da hua'axaỹa da nachoxonnaxac ca choxoraq, qaq camaye nataqa'en saishet da qaỹa'axaỹa da ivita da iỹaxanaique ca ntaunaguec.

Proverbios 21:13 Referans Kwoze

Proverbios 28:27

Ca itauaatac na choxoraq camaye qaica ca iueetac, qaq ca saishet da itauan na choxoraq qalaq camaye qalota da nsheunaguec.

Mateo 6:14

Cha'aye da qami' qauchoxoyiñi cam qarỹai maye qami' ỹo'oteque ca sa ỹaỹamaxañi, nache Ñim Lo'onatac 'Enauacna maye Qarta'ai maye neta'ague da piguem nataqa'en qami' ichoxore'n.

Proverbios 1:28

Qaq que'eca na'a'q aỹem qauỹaxañeetega qome, qalaxaye saishet da qami' sasategueta, qataq aỹem qanmicheetaique qalaxaye saishet da aỹem qauanachiỹa,

Mateo 7:2

Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

Salmos 58:4

Cha'aye na lshenataxanaxa namayepi 'eeta'am na na'araxanaq, qataq 'eeta'am na na'araxanaq maye ỹe'enaxat da sa hua'aqa,

Salmos 18:41

Nache iỹaxaataique da qaitauan, qalaxaye saishet da huo'o ca itauan, qataq iỹaxaatega Ñim Nataxala' qalaxaye saishet da ỹasateguet.

Hechos 7:57

Qalaxaye so nmit na nasouaxashetpi somayepi, lamaaxa ỹapoguilo naua ltelal, nache ỹa'alqagui, ime, nache ỹataqta qaiparenaxaneua'a somaye da qaỹaconeua'a.

Nehemías 5:13

Ime, nache aỹem sechego'q soua aỹogo, nache sheeta': Qaq 'era da 'eetec qome Ñim Lo'onatac 'Enauacna da ỹataqta ichegoq, qataq ỹasaxauec ca lma' qataq ca lalamaxatpi ca shiỹaxaua maye saishet da ipaguelec ca ỹan la'aqtac. Qataq Ñim Lo'onatac 'Enauacna nqateeguesop qome camaye ca lalamaxat 'alhua, lma'pi, qataq 'enauac ca logoxoshetpi. Nache 'enauac so lapoota'a't shiỹaxauapi, 'eeta': «Aja', nachera qome da 'eetec». Ime, nache ỹataqta qaỹo'oxoreetac Ñim Nataxala', qataq qaipactelec da qaỹo'ot da qoỹenapec.

Lucas 13:25

Cha'aye que'eca lma' ca nỹec, da ime da ñesheguem, nache ỹapogui ca lasom ca lma', nache qami' maye qapa'aitauec qauỹaxañiitapegueua'a que'eca lasom. Qaq qoñiita': «'Am Qarataxala', qomi' 'anauategueta.» Qalaxaye camaye ỹasat, 'eeta': «Aque', sa saỹaten ca qauachegoqoita'ague.»

1 Juan 3:17

Da huo'o ca sallaxanec da ilota'a ca 'oonolec nam la'amqaanataxanaxauapi da huo'o da lhuenaxanaxa, qalaxaye saishet da itauan, nache que'eca sallaxanec saishet da dauotaxanaqta da 'eeta'am Ñim Lo'onatac 'Enauacna da lauotaxanaqtaic.

Da na'aqtaguec so Job 29:12

souaxat da setauaatac na qaicaua caua lta'al maye qaica ca itauan, qataq na shiỹaxauapi choxoraqpi maye iỹaxaataique ca ntaunaguec.