Proverbios 21:10 - La'aqtaqa Ñim Lo'onatac 'Enauacna 2013

¹⁰ Ca qauemaic qalaq nacherata da iuennatega da ỹo'ot ca qauem, saishet da ichoxoreetac ca lỹa maye 'eeta'am.

Proverbios 21:10 Referans Kwoze

1 Juan 2:16

Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

Proverbios 3:29

Saishet qome da 'auo'otec ca saỹaỹamaxañi, ca 'arỹa maye huo'o da lpi'iỹaxac da qoneta.

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

1 Corintios 10:6

Qaq 'enauac de'era huaigui somayepi nachera da qanapaxaguenataguec, da yaqto' saishet da seqopitaqa'a ca sa ỹaỹamaxañi, 'eeta'am da 'eetec somayepi.

Proverbios 21:13

Ca saishet da hua'axaỹa da nachoxonnaxac ca choxoraq, qaq camaye nataqa'en saishet da qaỹa'axaỹa da ivita da iỹaxanaique ca ntaunaguec.

Proverbios 12:12

Na qauem qoỹeetapeguec nachena na loxonaxanaxat na qauemaicpi, qaq na no'on da lataxac qalaq ñaxatec, nache huo'o da alaỹaxac.

Salmos 112:9

Qataq itauaatac na choxoraqpi, qaq da lqouagaxanaqtaic qalaq nache queta, qaq da la'añaxac huo'o qanqa'en da llo'oxoyec.

Salmos 112:5

Ca shiỹaxaua soxoraic ỹataqta ichoxoren da huo'o ca ỹa'aalaxanaxan, qataq nalochiguiñi naqa'en da lataxac da imen ca lmenec.

Salmos 36:4

Qataq da nnaatalec ca lmala', nache ỹaqataxaatapigui' da ỹo'ot na qauem, cha'aye saishet da ỹaxanec da qauem llecỹaxac, qataq saishet da ỹaxanec na qauemsat.

Proverbios 2:14

qataq nqopita da ỹo'ottac na qauem, qataq ntootalec nam qauem ỹo'otpi,

Proverbios 14:21

Ca ỹo'otan ca nauochaxaua qalaq huo'o da lasouaxashet, qaq ca ichoxoren na choxoraq qalaq ỹataqta machiguiñi.

Proverbios 21:9

Na'aictoxo' da qanayeeta'a aca lallemaqhuo na pa'asheguem ca nỹec, qalaxaye saq 'ena'am da qanayeetaigui ca lta'araic nỹec da nhuoreua aca 'alo maye petaxai.