Proverbios 21:1 - La'aqtaqa Ñim Lo'onatac 'Enauacna 2013

¹ Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Proverbios 21:1 Referans Kwoze

Proverbios 16:9

Ca shiỹaxaua lapaxañi ca huotaique da llecỹaxac, qalaxaye Ñim Nataxala' nacheñi ñim ỹo'otegue da lqauaxac.

Proverbios 20:24

Ñim Nataxala' nacheñi ñi ilo'oguelo naua lqauaxaqui' ca ỹale, qaq ỹoqo'oye ca shiỹaxaua saishet da ỹaỹaten ca taỹa'ague.

Esdras 6:22

Qaq ivittrec soua siete na'axa'te da qaỹo'ottac se'eso nquia'axac lta'araic, da qanallectac aso nauole 'ayiiña maye qaica ca lalegue ỹasheeraxachigui. Cha'aye Ñim Nataxala' ỹe'eguelaxatem da ntonaxac 'enauac somayepi. Qataq souaxat da so nta'a ye Persia, itauan qataq da ỹasheetem somayepi da ỹe'eguelaxalec da no'oxoosheguem aso atamnaxaqui maye lalamaqte Ñim Natamnaxala' so Israel le'ecpi.

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Proverbios 16:1

Ca ỹale lapaxañi na huotaique da ỹo'otpi, qalaxaye Ñim Nataxala' nacheñi ñi ỹan ca pa'atec la'aqtac.

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

Salmos 106:46

Nache ỹo'ot da ivira'a da 'enauac som mpa'aguenaxauapi somayepi, huo'o da lchoxonnataxanaxa somayepi.

Isaías 43:19

Qaq Aỹem, huo'o ca so'ot dalaxaic, nache qauauañiichigui nagui da yo'oq camaye. Sauo'o qome ca nqa'aic, taalec ye toolec 'alhua qataq so'ot ca tala ye 'alhua maye qaica ca ñaxaalec.

Salmos 105:25

ỹoqo'oye na Egipto le'ecpi nquiỹa se'eso nhuo' le'ecpi maye lalamaxatpi Ñimaye, nache ỹataqta dataỹa'aguet se'eso lamaxashecpi Ñimaye.

Nehemías 2:4

Nache se'eso nta'a, 'enapec: ¿Qaq chaq negue't ca 'anshetaique da 'am setaunec? Huaña nache ỹataqta seỹaxanot Ñim Nataxala' da aỹem itauan.

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Salmos 74:15

'Am 'auo'ot co'ollaxa na mpaxaatasheguem 'etaxat, qataq na talapi qataq deqaqa 'anqa'en na tala maye saq 'emapec.

Isaías 44:27

Aỹem ishet da shenapega da deqaqa aso auaxai océano, qataq 'em ñaqa'en nam talapi maye taỹapegueua'a asomaye.

Salmos 93:4

Qalaxaye 'Am Nataxala', da qonetaña na qaỹoqotcheguema, qalaq ỹataqta lta'araic da 'ara'añaxac, 'anapacalec da l-lamaxa na qalota 'etaxat, qataq 'anapacalec da la'añaxac ana lapaxa aso auaxai.

Apocalipsis 16:12

Qataq jec so lỹa namaxashec piguem le'ec da icorelec so huetagui aso ỹomaxaqui so lta'araic tala le'enaxat Éufrates. Huaña, nache 'em na le'ec 'etaxat se'eso tala da yaqto' so nta'alpi maye chegaqa'ague da nala' lliguisheguem, ishet da ỹa'axasoxoolec somaye.

Apocalipsis 16:4

Qataq jec so lỹa namaxashec piguem le'ec da icorelec so huetagui aso ỹomaxaqui anam talapi qataq anam npaxaatasheguem na le'ec, nache na 'etaxat nañigui nataqa'en na ntago'q.

Salmos 114:5

¿Negue't ca qouaigui 'am auaxai ye 'auatauec, qataq ta'ainco' 'am tala Jordán ye 'avi'eguelaqot?

Salmos 114:3

Aso auaxai co'ollaq ila'a de'era, nache datauec, qaq so tala Jordán qalaq ỹe'eguelaq na 'etaxat.

Jeremías 39:12

«'Aulo'ogue qome ñimaye saishet qome da 'auo'otec ca qauem, nacherata da 'aỹa'anem 'enauac cam iỹaxanaique ñimaye.»

Éxodo 7:3

Qalaxaye aỹem, sanem da ỹataqta qaramchigui añi lquiyaqte ñi faraón, qataq so'ot na qalota na'anecpi qataq nam ỹo'ot da na'aalaxa na Egipto.

2 Reyes 19:33

Qaq nacherata da ỹe'eguelaqtegue cam llec maye nateuga co'ollaxa, nache saishet da huenoxoneua'a ne'ena huaqta'a't nỹecpi. Aỹem Nataxala', san de'era ỹa'aqtac.

Esdras 1:1

Qaq so la'auaxanec vi'i da lo'onataxanaxac so Ciro, maye nta'a ye Persia, Ñim Nataxala' ỹanem da lhuennataxac somaye, da yaqto' ỹamaxalec 'enauac so hueta'a so ilotague' 'alhuapi da qaỹa'axatec so ỹan la'aqtac. Huaña nache ipacchigui da la'aqtac Ñim Nataxala', maye ỹanem co'ollaxa so la'aqtaxanaxanec Jeremías, nam nasaxauec la'aqtacpi somaye qataq nam qoỹettañipi, maye 'eeta':

Esdras 1:2

«Qaq 'era da la'aqtac ñi nta'a Ciro, maye nta'a ye Persia, 'eeta': Ñim Lo'onatac 'Enauacna maye neto'ot na piguem, Ñimaye lalamaxat 'enauac na huetalec ana 'alhua, qaq Ñimaye aỹem ỹanem da aỹem lta'a 'enauac na nta'alpi naua 'aleu'. Ñimaye aỹem ỹamaxalec, da ño'oxoosheguem aca atamnaxaqui ye Jerusalén, maye huaigui ye 'alhua Judá.

Nehemías 2:8

nataqa'en seỹaxanot da ỹo'ot aca lỹa lere da taỹa'a so Asaf, maye ilotague' so aviaq da yaqto' aỹem ỹanem ca qo'oipaqpi da yaqto' so'ot ca lasompi se'eso lpaqtaxanaxat aso nalloxolate, maye netaña so saqaỹapeque aso atamnaxaqui, nataqa'en so lpaqtaxat so huaqta'a't nỹecpi qataq ca ima' da yaqto' sonaigui. Nache se'eso nta'a aỹem ỹanem 'enauac so seỹaxanaiquepi, cha'aye aỹem hueta'aguet da lqouagaxanaqtaic Ñim Lo'onatac 'Enauacna.

Ester 2:17

Nache so Asuero ỹataqta nqopita co'ollaxa aso Ester, qaq saỹauano' da 'eetec de'era somaye da huo'o aca ỹataqta nqopita asom laỹepi 'alpi, qaq 'era da 'eetec so Asuero da ỹataqta nqopita asomaye, nache somaye ỹataqta itauan asomaye, saq 'ena'am aso laỹepi 'alpi maye mashe hueta'aguet co'ollaxa somaye, qaq ỹoqo'oye ỹanaxanaxangui asomaye aso aro'o, nache ỹanagui da nate'e da nmeneguet aso Vasti.