Proverbios 20:9 - La'aqtaqa Ñim Lo'onatac 'Enauacna 2013

⁹ Qaq ỹoqo'oye qaica ca 'enapec: «Aỹem qui'itta añi iquiyaqte, qataq aỹem qui'itta qaica ca ỹasouaxashet.»

Proverbios 20:9 Referans Kwoze

Eclesiastés 7:20

Qalaxaye ỹoqta 'eesa da qaica ca ỹale ana'ana 'alhua, da na'aictaxa da no'on da lataxac qataq ỹo'ottac ca ỹaỹamaqchiguiñi da qaica ca lasouaxashet.

1 Reyes 8:46

Qaq da huo'o ca 'am hueto'ot lasouaxashet namayepi, cha'aye qaica ca saq huo'o ca lasouaxashet, qaq saiuena'a da 'aualemataỹa namayepi, nache 'aỹa'aneguet da loxonec 'anqa'en ca mpa'aguenaxauapi namayepi, nache ỹauega ca lỹa 'alhua qaỹoqta huo'otaq sa qaỹapeque,

Da na'aqtaguec so Job 14:4

Cha'aye, ¿negue't ca ishet da nqatec ca qui'itta, da ỹachegoxotaigui ca nshepaxan? ¡Qomye, qaica!

Santiago 3:2

'Enauac da shenaqta huo'oi naua qarasouaxashe'ete, qalaxaye nachaqcata ca shiỹaxaua maye ỹaỹaten da nllañi ñi lachaxat, camaye nalochiguiñi da lataxac, qataq ishet da nala'aguet da nllañi da maiche 'eetapeguec da lo'ocỹaxac.

1 Corintios 4:4

Aỹem saishet da ñetoonec da huo'o ca so'ot sa ỹaỹamaxañi, qalaxaye damaye saishet da naigui da ỹoqta 'eesa da aỹem huesochiguiñi da qaica ca ỹasouaxashet. Ñim Lo'onatac 'Enauacna maye nachaqñita hueto'ot da la'añaxac da aỹem nmit.

Da na'aqtaguec so Job 25:4

Qaq ¿peta'a huo'o ca choche shiỹaxaua, da 'enapec no'on da lataxac, qataq qaica ca ỹasouaxat da ỹauaachigui Ñim Lo'onatac 'Enauacna?

Da na'aqtaguec so Job 15:14

Qaica ca naigui ca shiỹaxaua maye chegaqaigui aca 'alo da 'eetega qui'itta da lataxac, qataq da 'eetega qaica ca lasouaxashet.

Salmos 51:5

Cha'aye saỹateeta da qauem da ỹañoxoc, nale'ena da aỹem 'etaxaloxoic, co'ollaq ñaq sootaigui na lauel aso ỹate'e.

2 Crónicas 6:36

Qaq qom 'am ỹacho'ot cam lasouaxashet namayepi, qaq cha'aye qaica ca shiỹaxaua ca saqca ca lasouaxashet, qaq da huo'otaq 'aualemataỹa namayepi, nache 'aỹa'aneguet ca npa'aguenaxauapi yaqto' loxonec nache ỹauega ca lỹa 'alhua qaỹoqta huo'otaq sa qaỹapeque,

Romanos 3:9

Qaq ỹoqo'oye ¿chaq hua'ague ca 'eetec? ¿Peta'a da qomi' judiopi, nache ishet da ñapagaqalec na laỹepi shiỹaxauapi? ¡'A'i, saishet da nache 'eetec de'era! Cha'aye mashe ime da qami' sa'aqtaxaateguema da qomi' judiopi qataq nam saq judiopi 'enauac qomi' 'etaxaloxoicpi.