Proverbios 20:7 - La'aqtaqa Ñim Lo'onatac 'Enauacna 2013

⁷ ¡Ỹataqta ỹo'oxoraq ca no'on da lataxac, qataq machiguiñi ca llalaqpi da quetegue da no'on lataxac camaye!

Proverbios 20:7 Referans Kwoze

Salmos 112:2

Cam chegoxoguetpi camaye ỹataqta 'añaxaicpi qom huetalec ana 'alhua, qataq ca llalaqpi ca no'on da lataxac qalaq huo'o da nchoxonnataguec.

Salmos 37:26

Ỹataqta imerauec naua na'axa'te da huo'o da lchoxonnataxanaxa qataq ỹan da na'aalaxanaxac, qaq na llalaqpi chegoqchigui da nchoxonnataxanaxa.

Jeremías 32:39

Qataq sanem da 'oonolec da lhuennataxac qataq 'oonolec da llecỹaxac da yaqto' tatec da huo'o naq 'enec naqa'en Aỹem, qaq damaye maiche laỹamaxa namayepi qataq cam chegoxoguetpi.

2 Corintios 1:12

Qomi' ỹa'añaqche't da saỹaanaq da ỹaỹamaqchiguiñi da qarataxac, qataq ỹataqta qomi' 'eesora nagui da souaqta'aguet 'enauac na shiỹaxauapi, qataq ỹactec naxa da qami' souaqta'agueta. Qaq de'era saishet da so'otaq da seca'ataqtague' da maiche qaraỹaanec, nachaqrata da ltaunaxanaxac Ñim Lo'onatac 'Enauacna, qataq sanaqtac da qana'achecỹaxac souaxat da lta'araic lsoxoyec.

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.

Proverbios 19:1

Na'aictoxo' da choxoraq ca ỹale qalaxaye huo'o da llo'oxoyec, qaq saq 'ena'am ca qaica ca ỹaỹaanapec qataq nogoqtaxanaxaic.

Proverbios 13:22

Ca ỹale no'on da lataxac qalaq no'onaxata'aguet na laualpi na lalamaxatpi, qaq da lsallaxa ca 'etaxaloxoic qalaq talec ca no'on da lataxac.

Proverbios 14:2

Ca no'oitegue da lataxac qalaq huo'o naq 'enec naqa'en Ñim Nataxala', qaq ca sa ỹaỹamaxañi da lataxac qalaq ỹo'otan Ñimaye.

Salmos 15:2

Nachecata ca qaica ca lasouaxashet, qataq ỹo'ottac ca no'on lataxac, qataq ca ỹataqta 'eesora naua 'ena'ape 'enauac da lquiyaqteỹaxac,

Génesis 17:7

Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.

Lucas 1:6

Aso Elisabet qataq so Zacarías ỹataqta no'o'n da lataxa'c qataq ỹataqta ỹalaxareguet 'enauac na lamaxasoxonaxacpi Ñim Lo'onatac 'Enauacna.

Salmos 26:1

'Am Nataxala', ñaq aỹem 'auo'otec ca ỹaỹamaqchiguiñi lataxac, cha'aye da ñachaalataxac ỹataqta qui'itta. Qataq ỹataqta 'am sepe'etega 'Am Nataxala'.

Isaías 33:15

Cam ỹo'ottac dam nalochiguiñi lataxac qataq 'eesa ca la'aqtac, qataq cam deqaiga da dauegaxaatapigui da qaica ca iren, qataq cam saỹaconeguet da qaisheenaxana da huo'o ca ỹo'ot, qataq cam saishet da na'axaỹaxana da qaitaqtapigui ca nalaataxanaxac, qataq ỹapoguilo naua la'ai'te da yaqto' saila'a ca qauem,

Salmos 26:11

Qalaxaye aỹem da ñachaalataxac qui'itta, ỹoqo'oye aỹem 'anca'alaxatec qome qataq aỹem 'auchoxoren.

Da na'aqtaguec so Job 1:1

Qaq ye 'alhua maye le'enaxat Uz, nache naña so ỹale le'enaxat Job, somaye no'on da lataxac, qataq qaica ca ỹasouaxat, qataq ỹataqta ỹalaxaguet Ñim Lo'onatac 'Enauacna, qataq ỹataqta saishet da huo'otaq huo'o ca ỹo'otec ca sa ỹaỹamaxañi.

Proverbios 14:26

Da huo'o naq 'enec qanqa'en Ñim Nataxala', nachera da ỹo'ot da 'eesa naqa'en da aquitaxac qataq npaxattalec na ñalaqpi.