Proverbios 20:6 - La'aqtaqa Ñim Lo'onatac 'Enauacna 2013

⁶ Ỹataqta qalota na 'eetega da no'on da lataxac, qalaxaye saishet da saqalaq da qaỹanata ca ỹoqta ishet da qaipi'iỹa'a.

Proverbios 20:6 Referans Kwoze

Salmos 12:1

Ñaq qomi' 'anca'alaxatrec 'Am Nataxala', ten mashe qaica so 'amqaanataxanaxaicpi maye ỹoqta 'am quetegue co'ollaxa, mashe qaica so shiỹaxauapi maye ỹataqta huesota da lataxac.

Mateo 6:2

Da huo'o ca 'oonolec da qoñiita da itauan na choxoraqpi, nache saishet da ỹa'axatteua'alo ana paxaguenaxaquipi qataq naua ndaqa'ate maye sa ỹe'emaxat da nlectecot na shiỹaxauapi; cha'aye damaye nataqa'en ỹo'ottac nam saq ỹataxalec da lataxac, maye huotaique da na shiỹaxauapi ỹo'oxoreetac. Qaq Aỹem ỹataqta 'eesa dam shenapec da nachaqrata nsheetenaguec maye ỹaconeguet namayepi.

Lucas 18:8

Qaq Aỹem shenapec da ỹataqta qaica ca ỹega Ñimaye da iueelec ca lca'aguishec. Qalaxaye Aỹem Shiỹaxaua Llalec qom ñe'eguelaq, qaq ¿peta'a ñaq huo'o qome nam ỹa'amaqteetac Ñim Lo'onatac 'Enauacna nam huetalec ana 'alhua?»

Lucas 22:33

Nache so Simón 'enapeco': –'Am Ỹataxala', aỹem qaica ca shega da 'am iỹateuo aca ncoñetaxanaxaqui, ivitta'a da 'am seleetañi'.

Lucas 18:11

Nache se'eso fariseo nachattañi co'ollaq nqouagaxaueetac, 'eeta': ‹'Am maye 'Aro'onatac 'Enauacna, 'am sanot da ña'achec, cha'aye aỹem saishet da shena'am ca camachaqca shiỹaxaua, maye cachaxaic, qauemaic, qataq lauatapiguiñi' aca sa lhua. Qataq saishet da sheeta'am de'era ỹacootapeeguet ana nsheetenaqte ca nta'a.

Proverbios 27:2

'Aua'aqta'a da ỹaqa'a ca 'am ỹo'oxoren, cha'aye saỹaỹamaxañi da maiche 'año'oxoreetapeguela't.

Proverbios 25:14

Qataq ca huo'o ca ỹachaxanapec da ỹan, qalaxaye saỹauana da huo'o ca ỹan, camaye 'eeta'am da naueguelec na piguem qataq da anac na la'at qalaxaye qaica ca auot.

Jeremías 5:1

Ñim Nataxala', 'enapec: Qoquiiguelo qome naua nqa'aico ye Jerusalén nache qaumichiñiita, qataq qanmiche ye nlagaqa', shapegueto' da qauanachiỹa cam ỹo'ottac da nalochiguiñi lataxac, qataq nmittaique dam 'eesa. Qaq da qauanachiỹa, nache Aỹem sechoxoren qome ye Jerusalén.

2 Corintios 12:11

Aỹem saỹaten da maiche ño'oxoreetapeguela't, nache damaye ỹa'axat da qaica ca saỹaanapec, qalaxaye qami' aỹem qauamaqỹalec da so'ot damaye. Qamaq qami'ctaxa maye qavio'oxoyiñiitac aỹem, cha'aye sela'a da saishet da aỹem napacalec nam qoquiitague'pi maye 'eetega da nataỹaña nam Jesús lamaxashecpi, na'aictaxa da aỹem qaica ca shenec.

Juan 1:47

Nache So Jesús co'ollaq ila'aguet so Natanael da naỹaua'a, nache 'enapega, 'eeta': –'Ena na ỹoqta 'eesa da Israel le'ec, namaye saishet da tenataxanaxaic.

Lucas 18:28

Nache so Pedro 'enapeco': –Qomi' mashe ño'onaxataqchigui 'enauac nam qomi' hueto'oto, nache 'am seca'ataxague.

Miqueas 7:2

Cha'aye mashe qaica ca choxonnataxanaxaic ana 'alhua, qataq mashe qaica ca no'onañi shiỹaxaua maye no'on da lataxac, nda'a't nam quetegueua'a da huo'o ca loxonec da ỹalauat, qataq ñi 'oonolec ỹoiqueetac da nqovin ca lỹa.

Eclesiastés 7:28

ñaq saxanaxa da sanata cam ỹataqta ñimittaique, nacherata da selalec so 'oonolec ỹale da ỹalectaigui so mil, qalaxaye som 'alpi saishet da selalec aca 'oonole da ỹalectaigui asomayepi.

Proverbios 20:5

Naua nhuennataxaco saqcha'alo 'eeta'ama ca qaỹoqchiguingui 'etaxat, qalaxaye ca sanqalat ỹaỹaten da ỹanatalo.

Salmos 12:2

Ñi 'oonolec qalaq maiche ỹatenachettac ca lỹa, da detaqa qalaq naua la'aqtaqa ỹataqta ỹagaqnapeguec naqa'en na naigui, qataq saq ỹataxaleguete naua la'aqtaqa.

Miqueas 7:1

¡Qaq choxoraicolec aỹem Miqueas! Cha'aye sheeta'am ca nmittac ca nanaxanaqa', da mashe ime da qanqat ana ala na nañiguishec, nache saishet da ilalec aca uvapi huo'otaq hiigopi, acam ala na nañiguishec maye nshetaique da chec.