Proverbios 20:3 - La'aqtaqa Ñim Lo'onatac 'Enauacna 2013

³ Qataq ỹo'oxoraq ca ỹale da maiche ivita'a ca cotaxac, qaq ca qaica ca ỹaỹaanapec qalaq ishet da ỹo'ot damaye.

Proverbios 20:3 Referans Kwoze

Proverbios 16:32

Ỹataqta huo'o da naigui da nhualaxavic qaq saq 'ena'am da na'añaxac, qataq huo'o da naigui da maiche nllapec ñi 'oonolec, qaq saq 'ena'am da noxonec ca huaqta'a't nỹecpi.

Proverbios 17:14

'Eeta'am ca tala ipaxaalec ca cotaxac maye qanayecot da qaỹo'ot, qalaxaye ỹaỹamaqchiguiñi da qanayeca'ai da ñaq saxanaxa da lliỹa't camaye.

Efesios 4:32

Chaqrato' da qami' soxoraiqa, qataq qami' choxonnataxanaxaiqa, ñi 'oonolec ỹataqta ichoxoren ca lỹa da huo'o ca ỹasouaxat, 'eeta'am Ñim Lo'onatac 'Enauacna da qami' ichoxore'n chegoqchigui naqa'en So Cristo.

Proverbios 19:11

Da qaica ca qanqalaate' ỹo'ot da qalhueneguet da nalemataic, qataq ỹo'ot da ño'oxoyec da sa qaiqocha'a ca nogoqtaxanaxac.

Proverbios 14:29

Ca qaỹoqchiguinguit da lalemataic camaye ỹoqta ỹaanataxanaxaic, qaq ca sancherapec qalaq ỹachaxan da ne'enaxac.

Santiago 4:1

¿Qauaỹachiñi peta'a da huo'omshe huo'o da loquiaxac qataq da cotaxac maye qami' huetaiguilo? ¡Damaye huo'o, cha'aye saishet da qauañoxoche da qanlliỹañi da qarqopitaxanaqtaiqui na qauem!

Proverbios 18:6

Naua la'aqtaqa ca qaica ca ỹaỹaanapec qalaq ỹo'ot da cotaxac, qataq ne'enaua la'aqtaqa ỹo'otteua'alo da loquiaxac.

Santiago 3:14

Qalaxaye qami' da huo'o ca qauo'ocheetac da qauacheetaigui da qarquiỹaxanaqtaiqui qataq da qarca'alaxanaxaqui, nache qami' qoviitaigui da qaraquicoqoi qataq saishet da qauamaiỹapigui'; qaica ca ishet da ỹo'ot da qaramaicỹaxaqui, qataq saishet da qaviye da 'eesa lataxac.

Proverbios 21:24

Ca ño'oxonnaxaic, na'amqaanaxaic, qataq ca sairen ca lỹa, camaye qailonec da sancherapec, souaxat da ỹagaqnauec da napagaqaanaxac.

Proverbios 14:17

Ca saq ỹoxonguit da lalemataic qalaq saishet da deuennataxaalec ca ỹo'ot, qaq ca deuennataxaalec ca ỹo'ot qalaq ỹaỹaten da nhualaxauen.

2 Reyes 14:9

Qalaxaye so Joás, maye nta'a ye Israel, ỹasateguet so Amasías, nache ỹamaxa da la'aqtac, 'eeta': «Aso cotaque maye naña ye Líbano, ỹamaxa da la'aqtac aso cedro, 'eeta': ‹Ñaq 'aỹa'anem taxa so ỹalec aso 'aỹa'ale da yaqto' lhua.›» Qalaxaye nateuga co'ollaxa yi'iye so shiguiỹacpi maye chegaqa'a ye Líbano, nache pigui asa'aso cotaque.

Génesis 13:7

cha'aye som ilotague'pi aso lalopi so Abram deloctague' co'ollaxa som ilotague' aso lalopi so Lot. Qataq da lỹa, ye se'eso na'a'q som cananeopi, qataq so ferezeopi, ñaq netalec co'ollaxa yi'iye 'alhua.

Génesis 13:8

Qaq ỹoqo'oye huo'o so na'a'q, nache so Abram 'enapega so Lot, 'eeta': «'Am qataq aỹem, maiche qomi' nhuo' lashe'. Qaq ỹoqo'oye qomi' saỹaỹamaxañi da ñecotaqtega't, qataq da ncotatega't nam ilotague' ana 'arelopi, qataq nam ilotague' ana ilopi.

Proverbios 26:17

Da qaỹe'egueetaua'a ca ỹaqa'a cotaxac, qalaq 'eeta'am da qaỹacoota'alo naua ltela ca pioq.