Proverbios 20:2 - La'aqtaqa Ñim Lo'onatac 'Enauacna 2013

² Ca nta'a da denotac qalaq 'eeta'am ca quiyoc da desoqtac, qaq ca inogoqchet camaye, nache huetalec da lchec da nachaalataxac.

Proverbios 20:2 Referans Kwoze

Proverbios 19:12

Da lalemataic ca nta'a 'eeta'am ca quiyoc da desoqo, qaq da lqouagaxanaqtaic 'eeta'am na 'aỹa da talec na 'auaqpi.

Eclesiastés 10:4

Qaq ca nta'a da huo'otaq 'am dalemataỹa, nache saishet qome da qoca'ai ca 'aro'onataxanaxac, cha'aye dam nhualaxavic, nachera da lata' naua lta'al nsomaxaco.

Proverbios 8:36

Qalaxaye ca aỹem ca'ai qalaq huetalec da lchec da nachaalataxac, ¡qaq ca aỹem nquiỹa, qache ỹauotec da nleuaxa!»

1 Reyes 2:23

Huaña, nache so nta'a Salomón ỹanot da la'aqtac Ñim Nataxala', 'eeta': «¡Ñim Lo'onatac 'Enauacna, ỹataqta sa ỹala'ac qome da ỹauo'o ca ñeuaxanaguec, qom saishet da ileu ñaqa'en so Adonías, souaxat de'era lquiquiaxac

Oseas 11:10

Qaq namayepi qome, ca'attague' qome Ñim Nataxala', qaq Ñimaye desoqo qome, 'eeta'am ca llon. Qaq qom desoqo Ñimaye, nache na lalamaxatpi iviloxol qom anac, chegoqta'ague da nala' lliguisheguem.

Habacuc 2:10

Qaq 'era da huo'omshe imattalec 'anqa'en da ncoxo na 'arma', qataq souaxat da qalota so 'aulaxachigui ỹotta'a't shiỹaxauapi, nache maiche 'anasouaxaala't.

Amós 3:8

Qaq ¿negue'tom ca saishet da iviloxol da hua'axaỹa da desoqo ca llon? qataq da damaxasoxon Ñim Nataxala', nache ¿negue't cam saishet da ỹa'axat cam ỹa'axata'a Ñimaye?

Números 16:38

Nache ana'ana laỹe' so lchenaxanaxat se'eso shiỹaxauapi maye ileu souaxat da lasouaxashet, nache qairapaqchen qome, da yaqto' qalapaxalec añi nca'atoxonaxalate. Cha'aye anamaye mashe qaiỹotauga da qoỹanot Ñim Nataxala'. Qataq yaqto' nachera qome da ỹo'ot da lvitaxa na Israel le'ecpi.

1 Reyes 2:24

Qaq nache huetoigui ne'ena na'a'q da ileu so Adonías, cha'aye ỹataqta nca'altauec Ñim Nataxala', maye aỹem talec naqa'en da lo'onataxanaxac so ita'a David, qaq nache ipacchigui qome dam ỹan la'aqtac Ñimaye, da nataqa'en ỹanem qome de'era no'onataxanaxac cam ỹalaqpi!»