Proverbios 20:13 - La'aqtaqa Ñim Lo'onatac 'Enauacna 2013

¹³ Saishet qome da 'anañaneguet na 'aro'ochaxa yaqto' saishet da 'am choxoraq, qataq ỹataqta 'anlotec yaqto' na 'oq saishet da imeuo.

Proverbios 20:13 Referans Kwoze

Proverbios 19:15

Da nhualaxa ỹo'ot na lta'araic no'ochaxa, qataq ca hualaic ỹataqta huo'o na lqouaxa.

Romanos 12:11

Da qauo'onataxañiitac qalaq qanasapacheetac, saishet da qami' hualaiqa. Qauo'onataxañiitacot Ñim Lo'onatac 'Enauacna ỹataqta imauec da qarquiyaqteỹaxaqui.

Proverbios 12:11

Ca do'onataxaatapeguelec ca na'alhua qalaq sa qoue na aloq, qaq ca imelec da lqueuoxoc qalaq huetague' na qaica ca naigui.

Proverbios 10:4

Ca sa qallegueme da do'onataxan qalaq taỹa'a da choxoraq, qaq ca ỹaguec da lo'onataxanaxac qalaq taỹa'a da sallaxanec.

Proverbios 13:4

Ca hualaic huo'o ca nqopittaique qalaxaye saishet da ỹanata, qaq ca 'onataxanaxaic qalaxaye ishet da nquictasheguem.

2 Ts 3:10

Cha'aye co'ollaq qami' souaqta'agueta, qalaq qami' sanaxama de'era lataxac da ca shiỹaxaua da sa ỹaỹamaxaren da do'onataxan, qaq maye deque'ectoxo'.

Romanos 13:11

Qaq 'enauac de'era sheetega da qami' iuen da qauloỹa'alo ne'enaua na'axa'te maye souaqtaiguilo, qaq qami' qoviitaigui da 'eeta'am da qauo'ocheeta. ¡Mashe ivita ye laloqo' da qanloiuec! Mashe saqaỹapeque ca na'a'q da Ñim Lo'onatac 'Enauacna qomi' nca'alaxatre'c; ỹataqta 'eesa da saqaỹapeque saq 'ena'am co'ollaq cheta'ague da sa'amaqtenaq So Jesús.

Efesios 5:14

Qaq ỹoqo'oye huo'o so deraxan co'ollaxa 'eeta': «'Am maye 'auo'ocheta, ña 'anlouec; qoñisheguem, qoca'ai nam leuaxaicpi, cha'aye So Cristo 'am icoỹarelec.»

Jonás 1:6

Nache so lataxala' so lo'opi aso notaxaqui nqo'ooña so huetaña so Jonás, nache 'enapega, 'eeta': «¿Ta'ainco' da 'auo'ocheta? ¡Qoñisheguem ña 'anqouagaxaunot ca 'anatamnaxala'! shapegueto' da 'am hua'axaỹa, nache qomi' huapegueto da qomi' nca'alaxatrec.»

1 Corintios 15:34

Ỹataqta qauennataxañiitelec ca qauo'oche, qataq saishet da sa qaualaqaiguet Ñim Lo'onatac 'Enauacna. Qaq nache sheetec de'era, yaqto' qami' huo'o da qara'aloqoi. Cha'aye huo'o da qoñiita na saishet da ỹauatton Ñim Lo'onatac 'Enauacna.

Proverbios 20:14

Ca nmenaxaic qalaq, 'enapec: «¡Ỹataqta qauem ne'ena nmenec!» Qalaxaye da mashe desheenaxana nache ño'oxoreetapigui ca lsheenaxanaxat.

Proverbios 28:19

Ca do'onataxaatapeguelec ca na'alhua, camaye ivira'a da chochaq huañi na aloq, qaq ca quetague' ca sa do'onataxan qalaq nda'a't da chochaq huañi da lachoxoyec.

Proverbios 31:15

Da yaqta'a da yo'oxoñi nache ñisheguem, nache iquia'axan na llalaqpi qataq ana llaqtapi.