Proverbios 20:12 - La'aqtaqa Ñim Lo'onatac 'Enauacna 2013

¹² Naua ntela ỹo'ot da na'axaỹaqchec qataq naua na'ai'te ỹo'ot da nauanaqchec, qaq naamaye maiche lo'onataqa Ñim Nataxala'

Proverbios 20:12 Referans Kwoze

Salmos 94:9

¿Peta'a sa hua'axaỹa qome de'era Ñim ỹo'o't naua ntela lauaco? Qataq ¿peta'a sa ila'a qome de'era Ñim ỹo'o't co'ollaxa naua na'ai'te?

Salmos 119:18

Qataq nlorec 'anqa'en naua ỹa'ai'te, yaqto' sela'a da llo'oxoyec naua 'arqataxaco.

Éxodo 4:11

Nache Ñim Nataxala' 'enapega, 'eeta': «¿Chaq negue't ca ỹauo'o na alap ca shiỹaxaua? ¿Qataq chaq negue't ca chegoqchigui da qaicaua naua la'aqtaqa ca shiỹaxaua, huo'otaq da da'añaigui na lqaic, huo'otaq da sa nauaañi, huo'otaq da nauaachiguiñi? ¿Peta'a sa nachaỹemo'?

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Proverbios 25:12

Qataq 'eeta'am nataqa'en aca chiguishaqte huo'otaq aca nqola maye chegaqaigui na ndota't oro, cam ỹaỹaten da na'axaỹaxana ca la'aqtac ca ỹaanaxanaxaic.

Isaías 29:18

Qaq que'eca na'a'q nache nam saq hua'aqapi ishet qome da hua'axaỹa da qaitaxaỹaxan aca nere, qaq na qanamaicpi qalaq ishet qome da nauaañi, cha'aye huesoueeguesop qome ca ỹataqta lta'araic napalaxa.

1 Corintios 12:17

Cha'aye da qaro'ocỹaxac da 'enauac da 'eeta'am aca na'aite, nache saishet da sa'axasoq, cha'aye qaca aca qartela. Qaq da 'enauac da no'ocỹaxac da 'eeta'am aca ntela, nache saishet da setaxanaq cha'aye qaica ca qarmic.