Proverbios 20:10 - La'aqtaqa Ñim Lo'onatac 'Enauacna 2013

¹⁰ Aca naloqnaxanaqte qataq ca naloqnaxanaxat da saipaigui da huo'o ca qanaloqten, qaq caamaye ỹataqta saishetegueta Ñim Nataxala'.

Proverbios 20:10 Referans Kwoze

Proverbios 20:23

Ñim Nataxala' saỹaỹamaxaren da qaỹo'onataxana ana naloqnaxanaqte saq 'en, qataq aca naloqnaxanaxaqui maye saỹaỹamaxañi.

Proverbios 11:1

Ñim Nataxala' sa ỹaỹamaxaren aca naloqnaxanaxaqui sa naloguiñi, qalaxaye ỹaỹamaxareeta aca naloqnaxanaxaqui maye nalochiguiñi.

Proverbios 16:11

Aca nalochiguiñi naloqnaxanaqte, qataq naloqnaxanaxaqui, acamaye lalamaqte Ñim Nataxala', cha'aye 'enauac ana naloqnaxanaqtepi maiche lo'onata Ñimaye.

Levítico 19:35

Saishet da sa ipaigui qanqa'eñi ca ỹoqta 'eesa loga't ca naloqnaxanaxat, huo'otaq aca naloqnaxanaxaqui, qataq aca naloqnaxaqui ca 'etaxat.

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Levítico 19:36

Nacherata da qauo'ogoxoñiỹa aca naloqnaxaqui ca 'etaxat, qataq ca naloqnaxanaxat, qataq aca naloqnaxanaxaqui maye ỹataqta nalochiguiñi da huo'o ca qanaloqten. Qaq 'era da ỹa'aqtac, Aỹem Nataxala' maye Qanatamnaxala'ai maye qami' ñeqateeguesopa co'ollaxa ye Egipto.