Proverbios 2:9 - La'aqtaqa Ñim Lo'onatac 'Enauacna 2013

⁹ Huaña nache 'auaỹaten da no'oitegue lataxac, no'on nataxac, qataq qaica ca qaiỹotauga, qataq da no'on ñecỹaxac,

Proverbios 2:9 Referans Kwoze

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Isaías 48:17

Qaq 'era da la'aqtac Ñim Nataxala' maye 'arca'alaxaqui, Ñim Qui'itta Natamnaxala' na Israel le'ecpi: «Aỹem nachaỹem Nataxala' maye 'Anatamnaxala', Aỹem 'am sapaxaguenec dam chegaqaigui da 'araỹamaxa, Aỹem 'am sauecteuga so nqa'aic maye iuen da qoquegue.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Salmos 119:99

Da ỹaỹaanataxanaxac napacalec 'enauac na ñapaxaguenaxala'pi, cha'aye ñapaxagueetegalo naua 'aramaxasoxonaxaco.

Salmos 32:8

Qaq Ñim Nataxala', 'eeta': «Aỹem 'am sanem qome na ỹapaxaguenataxanaxacpi, qataq na iqataxacpi qataq 'am sachaxana so nqa'aic maye ishet da qoquetegue. Qataq nache 'am salletagui qome.

Isaías 35:8

Qaq yemaye nache ỹa'axasosoolec qome ca nqa'aic maye le'enaxat «Nqa'aic Qui'itta». Qaq nam shiỹaxauapi maye saishet da qui'itta, qalaq saishet qome da ỹañoxot da quegue camaye, qataq nataqa'en nam qaica ca ỹaỹaana'a saishet qome da quetague' camaye.

Salmos 119:105

Naua 'ara'aqtaqa 'eeta'ama aca ncoỹaraxanaxaqui da icoỹatta'aguelo naua iqauaxaqui', qataq icoỹatta'ague so ñeqa'aic.

Proverbios 4:18

Da nqa'aicỹaxac nam no'on da lataxac, qalaq 'eeta'am na le'eraxa ca dalaxaic na'a'q, damaye nache nquictauec na le'eraxa, choche ivitta'a da ỹataqta yo'oqchiguiñi.

Proverbios 8:20

Aỹem shectegue so nalochiguiñi nqa'aic, qataq da llec naua no'o'n lataxaco.

Proverbios 28:5

Na qauemaicpi qalaq saishet da ỹaỹaten da llec ca ỹaỹamaqchiguiñi lataxac, qaq na nmitaique Ñim Nataxala' qalaq ỹaỹaten 'enauac namayepi.

Salmos 25:12

Ca ỹale da huo'o naq 'enec naqa'en Ñim Nataxala', nache Ñimaye ỹachaxana ca ỹataqta no'on nqa'aic da yaqto' quegue camaye,

Proverbios 4:12

qaq da qoquetegue damaye nache qaica ca nqanaxattac da 'arqauaxac, qataq saishet da huo'o ca 'auquia'aqaisop da 'anqalgoqta.