Proverbios 2:6 - La'aqtaqa Ñim Lo'onatac 'Enauacna 2013

⁶ Cha'aye Ñim Nataxala', nacheñi ñi ỹan da naỹaanec, cha'aye naua la'aqtaqa nache chegaqaiguilo da nauattonaxanaxac qataq da naỹaanataxanaxac.

Proverbios 2:6 Referans Kwoze

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

Salmos 119:98

Qaq naua 'aramaxasoxonaxaco ỹo'ot da aỹem ỹaanaxanaxaic, nache ñapacalec na ñepa'aguenaxauapi, cha'aye naamaye nache 'eetai' da aỹem hueto'oto.

Da na'aqtaguec so Job 32:8

Cha'aye 'enauac nam shiỹaxauapi huo'o so maiche saqcha'a lca'alaxa qaq nacheso som ỹo'ot da laỹaanataxanaxac, cha'aye naua la'a'che Ñim Qaica ca Ỹaqalanapec nachenaua naua ỹo'o't da qarauattonaxanaxac.

Lucas 21:15

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Isaías 54:13

Qaq Aỹem sapaxaguen qome 'enauac ca 'aỹa'alaqpi, nache 'enauac qome camayepi da huo'o da lamaicỹaxac.

Juan 6:45

Naua nanettrañi la'aqtaqa som la'aqtaxanaxanecpi Ñim Lo'onatac 'Enauacna naamaye, 'eeta': «Ñim Lo'onatac 'Enauacna ỹapaxaguen 'enauac na shiỹaxauapi.» Qaq ỹoqo'oye 'enauac nam na'axaỹaxana Ñim Ita'a qataq napaxaguena Ñimaye, namayepi Aỹem naua'a da yaqto' Aỹem ca'ategue.

1 Reyes 3:12

Qaq Aỹem, so'ot qome da 'auỹaxaneua'a, nache 'am sanem ca naỹaanec, qataq da nauattonaxanaxac, maye qaica cam hueto'ot som hua'aupi qataq cam 'am ca'atalecpi qome.

Santiago 1:17

Ñim Lo'onatac 'Enauacna nacheñi ñi qomi' ỹanema 'enauac na 'onaxaic qataq nalochiguiñi. Cha'aye Ñimaye nacheñi ñi maiche lo'onata 'enauac ana huaqaañipi maye neto'ot na piguem, qataq Ñimaye saishet da nqochen da lataxac.

Salmos 119:104

Naua 'aramaxasoxonaxaco nache sachegoxotaiguilo da ỹaỹaanataxanaxac, ỹoqo'oye ỹataqta saỹemec da llecỹaxac da natenataxanaxac.

Daniel 2:23

'Am, maye 'Am Natamnaxala' so ita'alpi, 'Am sanot da ña'achecỹaxac qataq 'Am sho'oxoren, cha'aye 'auo'ot da aỹem ỹaanaxanaxaic qataq aỹem 'añaxaic, cha'aye nagui aỹem 'aỹa'anem da saỹaten dam seỹaxanaqtaique, qataq qomi' 'auaỹaanaxanaxaneque dam ỹo'ot da lhuogoxo ñim nta'a.»

Daniel 1:17

Qaq Ñim Lo'onatac 'Enauacna ỹanema se'esoua cuatro nsoxoye da laỹaane'c, qataq da laỹaanataxanaxa'c da ỹaỹateetegueta 'enauac ana nerepi, qataq 'enauac na laỹepi naỹaanecpi. Qaq so Daniel qalaq nataqa'en ỹaỹaten da ỹa'axategue da naigui na nauanaqchecpi, qataq na nchoxonaxacpi.

Isaías 8:20

da yaqto' ỹaconeguet ca napaxaguenataxanaxac huo'otaq ca na'aqtac? Qaq 'era qome da la'aqtac namayepi qalaxaye de'era la'aqtac namayepi choche 'oopashec.

1 Reyes 4:29

Qaq Ñim Lo'onatac 'Enauacna, ỹanem so Salomón da laỹaanec qataq na laỹaanataxanaxacpi, qataq qalota da lauattonaxanaxac, 'eeta'am na coma' lsoche maye huo'ot na loigue aso auaxai.

Daniel 2:21

Ñimaye naralaxa't naua na'axa'te qataq naua laloqo'ote, nqat ca nta'a qataq ỹauo'o ca nta'a, qataq ỹanem da laỹaanec nam ỹaanaxanaxaicpi, qataq ỹanem da laỹaanataxanaxac nam ỹaanataxanaxaicpi.

Proverbios 6:23

Cha'aye naua namaxasoxonaxaco nachenaua naua ncoỹaraxanaxaqui', qataq naua napaxaguenataxanaxaco naamaye 'ettaiguilo, qataq naua ntelaqtaxanaxaco nachenaua naua ỹo'o't da llec da achaalataxac.

Salmos 19:7

Naua lqataxaco Ñim Nataxala' ỹataqta ỹaỹamaqchiyiñi, cha'aye ỹan da dalaxaic achaalataxac. Da lamaxasoxonaxac Ñim Nataxala' ỹataqta saishet da nqochen, cha'aye damaye ỹo'ot da ỹaanaxanaxaic ca shiỹaxaua huesota da lataxac.

1 Reyes 3:9

Qaq aỹem 'aỹa'anem qome aca nquiyaqte ỹaanaxanaxai, yaqto' ishet da selo'ogue ne'ena nhuo' le'ecpi maye 'aralamaxatpi, qataq yaqto' sauatton ca no'on qataq ca qauem. Cha'aye ¿negue'tom ca ishet da ilo'ogue ne'ena nhuo' le'ecpi maye 'aralamaxatpi ye ỹataqta qalota?»

Éxodo 31:3

ñimaye sanaigui da lta'araic ỹa'añaxac, da yaqto' ỹo'ot da laỹaanec, lauattonaxanaxac, laỹaanataxanaxac, qataq da sa nqalaate' da huo'o ca ỹo'ot,

1 Crónicas 22:12

Qaq Ñim Nataxala', 'am ỹanem qome da naỹaanataxanaxac qataq da naỹaanec, yaqto' qom 'am ỹanem da 'aulo'ogue na Israel le'ecpi, nache ỹataqta 'aualaxalec na lqataxacpi Ñim Nataxala' maye 'Anatamnaxala'.

Nehemías 7:5

Huaña nache Ñim Lo'onatac 'Enauacna aỹem ỹanem da iuennataxac da sataxana't 'enauac so ỹo'oxoraicpi, nataxala'pi, qataq so maiche nhuo' le'ecpi, da yaqto' so'ot aca lmalate so maiche nalamaxat ñalaqpi. Ime nache selalec aso naneraxalate maye nanettalec 'enauac so chegoxoguet so shiỹaxauapi maye hua'auchiguiñi co'ollaxa da ñe'eguelaq, qaq asa'aso nere nache huetalec se'eso ne'enaxatpi:

Da na'aqtaguec so Job 22:22

'Aua'aqta'a qome da 'am ỹapaxaguen Ñimaye, qataq 'oxochiguilo añi 'arquiyaqte naua la'aqtaqa Ñimaye.

Salmos 51:6

Qataq saỹateeta da 'auauotec, da lquiyaqteỹaxac ca no'on ỹale, ỹoqo'oye saqcha'a 'anqa'en da aỹem 'aỹa'anem da ỹaỹaanec.

Eclesiastés 2:26

Cha'aye Ñim Lo'onatac 'Enauacna, ỹanem da laỹaanec, qataq da lauattonaxanaxac, qataq da lamaicỹaxac cam taalec da ỹaỹamaxareeta Ñimaye, qalaxaye cam 'etaxaloxoic, qalaq ỹanem da lo'onataxanaxac da lapootac qataq nquictasheguem da lsallaxa, da yaqto' ime, nache ỹanem cam taalec da ỹaỹamaxareeta Ñimaye. ¡Qaq damaye nataqa'en qaica ca naigui, 'eeta'am da 'eetec da huotaique da qanllañi na la'at!

1 Reyes 10:24

Nache 'enauac so shiỹaxauapi ana 'alhua, nshetaique da ỹauatton so Salomón, da yaqto' na'axaỹaxana da laỹaanec somaye, maye chegoqo'ot Ñim Lo'onatac 'Enauacna,

Esdras 7:25

Qaq 'am Esdras, maye Ñim Lo'onatac 'Enauacna 'am ỹanem 'enauac da naỹaanec, 'auauo'o qome ca 'aỹa'aneuopi da nmit qataq ỹaỹamaxaañi ca nasouaxashet, qataq ca nta'alpi, nam mashe ỹaỹaten da llec na nqataxacpi da yaqto' ilo'ogue 'enauac ye netalec ye 'alhua maye pa'aỹa'ague da avit so tala Éufrates, cha'aye nacheca cam ỹapaxaguen qome na judiopi maye ñaq saxanaxa da ỹaỹaten na lqataxacpi Ñim 'Anatamnaxala'.

Da na'aqtaguec so Job 12:13

Qalaxaye Ñim Lo'onatac 'Enauacna ỹataqta ỹaanaxanaxaic, qataq 'añaxaic, Ñimaye hueto'ot na nauattonaxanaxacpi qataq na naỹaanataxanaxacpi.

Da na'aqtaguec so Job 12:16

Ñimaye hueto'ot da naỹaanec qataq na'añaxac. Ñimaye ỹauatton ca qaỹatenachet qataq cam datenataxan.

Salmos 19:8

Na lqataxacpi Ñim Nataxala' ỹataqta no'oitegue, cha'aye ỹauo'o da ntonaxac aca nquiyaqte. Qataq naua lamaxasoxonaxaco Ñim Nataxala' ỹataqta qui'itte', qataq ỹataqta nauaachiyiñi naqa'en naua na'ai'te.

Salmos 94:10

Qataq ¿peta'a saisheto' da ỹo'ot qome ca nhuaxanaguecna, Ñim ishet da nmit na ỹotta'a't shiỹaxauapi, qataq ỹapaxaguenec da naỹaanec 'enauac na huetalec ana 'alhua?

Salmos 119:34

Aỹem 'aỹa'anem qome ca ỹauattonaxanaxac da yaqto' saỹamaxa't naua 'arqataxaco, yaqto' imauec ñaqa'en da iquiyaqteỹaxac da sepacchiguilo.