Proverbios 2:3 - La'aqtaqa Ñim Lo'onatac 'Enauacna 2013

³ Da 'auỹaxanaique da naỹaanataxanaxac, qalaq 'anmatasheguem da 'ara'añaxac, qataq da 'auỹaxanaique da qaica ca qanqalaate',

Proverbios 2:3 Referans Kwoze

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

Proverbios 3:6

'Auacho'ot Ñim Nataxala' 'enauac nam 'auo'otpi, yaqto' Ñimaye ỹo'ot da no'oitegue da 'icỹaxac.

Salmos 119:169

'Am Nataxala', ñaq 'am iviro'ot qome da iỹaxanaxac, ñaq aỹem 'aỹa'anem ca ỹauattonaxanaxac, cha'aye nachera da 'ara'aqtac co'ollaxa.

Salmos 119:125

Qaq cha'aye aỹem 'aramaxashec, ỹoqo'oye aỹem 'aỹa'anem qome ca ỹauattonaxanaxac, yaqto' sauattoote' naua 'aramaxasoxonaxaco.

Lucas 11:13

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Salmos 119:73

Cha'aye naua 'arhua'q maiche aỹem lo'onatac qataq 'enauac da ỹataxac, ỹoqo'oye aỹem 'aỹa'anem qome ca ỹauattonaxanaxac yaqto' saỹate'n naua 'aramaxasoxonaxaco.

Salmos 119:34

Aỹem 'aỹa'anem qome ca ỹauattonaxanaxac da yaqto' saỹamaxa't naua 'arqataxaco, yaqto' imauec ñaqa'en da iquiyaqteỹaxac da sepacchiguilo.

1 Crónicas 22:12

Qaq Ñim Nataxala', 'am ỹanem qome da naỹaanataxanaxac qataq da naỹaanec, yaqto' qom 'am ỹanem da 'aulo'ogue na Israel le'ecpi, nache ỹataqta 'aualaxalec na lqataxacpi Ñim Nataxala' maye 'Anatamnaxala'.

Proverbios 8:17

Aỹem sauotec ca aỹem ỹauotec, qataq ca aỹem nmittaique aỹem ỹanata.

Proverbios 2:2

'Ana'axaỹaxaachigui qome de'era naỹaanec, qataq ỹataqta 'aneguet da 'arquiyaqteỹaxac da naỹaanataxanaxac.

Proverbios 2:4

da 'anmitaique damaye qalaq 'eeta'am 'anqa'en, da 'anmitaique aca nlayiguishe plata maye qoỹoxooñi.

Proverbios 4:1

Qami' ñalaqpi, ỹataqta qana'axaỹaxañiỹalo qome naua lapaxaguenataxanaxaco ca qarta'ai, qataq qaloitegueta yaqto' qauauattoñi da naỹaanataxanaxac.