Proverbios 2:2 - La'aqtaqa Ñim Lo'onatac 'Enauacna 2013

² 'Ana'axaỹaxaachigui qome de'era naỹaanec, qataq ỹataqta 'aneguet da 'arquiyaqteỹaxac da naỹaanataxanaxac.

Proverbios 2:2 Referans Kwoze

Proverbios 23:12

Qaq ỹoqo'oye 'oxotoigui añi 'arquiyaqte da napaxaguenataxanaxac, qataq 'auachaigui ye 'antoonaxac da nauattonaxanaxac.

Proverbios 18:1

Ca mataxalaic qalaq nmittaique ca maiche 'eetapeguec, qataq dataỹa'aguet 'enauac na no'on nqataxacpi.

Salmos 90:12

Qaq ñaq qomi' 'auapaxagueneque qome da saỹatenaq da ñaloqtena'q naua qana'axa'te, yaqto' da qarauattonaxanaxac ishet da ivi' da naỹaanec.

Mateo 13:9

¡Qaq qami' da ỹoqta 'eesa da huo'oi naua qartelai lauacolli', nache no'on da qana'axaỹaxañi!»

Isaías 55:3

Ñaq Aỹem qauanaiua'a nache qana'axaỹaxañiichiguiñi, Aỹem qana'axañiỹa nache qanca'alleeuec. Aỹem so'ot qome cam chochaq tatec ñaỹamaxataxac da qami' ñaỹamaxateto, yaqto' sepaqueelec dam sachanapeguem co'ollaxa so David, souaxat da ỹauotaxanaqtaic somaye.

Eclesiastés 8:16

Qaq co'ollaq salemaqtelec da ñapaxagueetega da sauatton dam naỹaanec, qataq da semeteetac 'enauac nam qaỹo'ottac ana 'alhua, nache sevitta'a da saishet da so'oche ye na'a'q qataq ye pe.

Eclesiastés 8:9

Qaq 'enauac de'era sauaachigui, cha'aye ñalemaqte' da ñapaxaguena, 'enauac nam qaỹo'ottacpi ana'ana 'alhua, qataq da na'añaxac maye hueto'ot ca ỹale da ỹo'otec ca qauem ca lỹa.

Eclesiastés 7:25

Qaq huaña nache ñalemaqte' da yaqto' sanata da nauattonaxanaxac, qataq ñapaxagueetega, qataq ñimittaique cam ỹaỹamaqchiguiñi loga't damaye. Qaq huaña nache saỹaten da saỹaỹamaxañi da qaica ca ỹaỹaanapec ca shiỹaxaua, qataq da qaica ca qaỹaỹaanapec nachera da 'oopashec.

Hechos 17:11

Qaq se'eso judiopi maye hueta'a yemaye ỹataqta soxoraicpi, saishet da 'ena'am nam netaña ye Tesalónica. Co'ollaq na'axaỹaxana da no'on na'axaỹaxac maye na'aqtaguec So Jesús, nache ỹataqta lta'araic da ntonaxac. Ỹoqo'oye 'enauaque naua na'axa'te itaxaỹaxaatac ana nere maye huetalec na la'aqtacpi Ñim Lo'onatac 'Enauacna da huotaique da ỹaỹaten da ỹoqta 'eesa de'era qaỹa'axattac.

Proverbios 2:3

Da 'auỹaxanaique da naỹaanataxanaxac, qalaq 'anmatasheguem da 'ara'añaxac, qataq da 'auỹaxanaique da qaica ca qanqalaate',

Proverbios 4:1

Qami' ñalaqpi, ỹataqta qana'axaỹaxañiỹalo qome naua lapaxaguenataxanaxaco ca qarta'ai, qataq qaloitegueta yaqto' qauauattoñi da naỹaanataxanaxac.

Proverbios 4:20

'Am ỹalcolec, 'aloteleguete qome naua ỹa'aqtaqa, qataq 'ana'axaỹaxaachiguilo naua shena'ape.

Proverbios 6:32

Qalaxaye ca lauatapiguiñi' aca ỹaqa'a 'alo camaye ỹataqta qaica ca laỹaanataxanaxac. ¡Qaq cam ỹo'ottac de'era, camaye nlaxattapiguiñi da maiche nachaalataxac.