Proverbios 2:15 - La'aqtaqa Ñim Lo'onatac 'Enauacna 2013

¹⁵ qataq quetague' so nqa'aic namaqtapigui, qataq dasheueeguesop so ỹaỹamaqchiguiñi nqa'aic.

Proverbios 2:15 Referans Kwoze

Salmos 125:5

Qalaxaye nam quetague' so qauem nqa'aic, ñaq 'auasaxauec qome 'Am Nataxala', caueegue' 'anqa'en nam qauemaicpi. ¡Ñaq huo'o qome da nlagaxayec na Israel!

Proverbios 21:8

Da lataxac ca qauemaic namaqtapigui qataq saq ỹataxalec, qaq na ỹo'otpi ca shiỹaxaua ỹo'oxoraic qalaq ỹaỹamaqchiguiñi.

Filipenses 2:15

yaqto' saishet da huo'o ca qarasouaxashechi, qataq saishet da huo'o ca qami' qaỹasaxaleguete ca qarasouaxashechi. Ana'ana 'alhua nlaqtelec na shiỹaxauapi qauemaicpi, qataq 'etaxaloxoicpi, qami' qalaxaye qami' llalqa Ñim Lo'onatac 'Enauacna. Qaq ỹoqo'oye iuen da qoquiỹa'ai na qauemsat, nache qauachaxañi ca no'on qarataxaqui, qoñiita'am aca huaqaañi da 'ettaigui ye pe.

Deuteronómio 32:5

Qami' shiỹaxauapi qauemaicpi qataq 'etaxaloxoicpi maye qaunogoqchichi Ñim Lo'onatac 'Enauacna, Ñimaye qami' da'agueleguete, nache saishet da qami' llalaqpi, cha'aye qami' qauemaicpi qataq 'etaxaloxoicpi.

Isaías 59:8

Namayepi saỹauatton so nqa'aic maye huo'o da nlagaxayec, nam ỹo'ottacpi qalaq qaica ca ỹaỹamaqchiguiñi. Naua nqa'aico maye quetagueto qalaq namaxaguilo, qaq cam quetague' namayepi qalaq saishet da ỹanata ca nlagaxayec.

Proverbios 8:8

'Enauaque naua ỹa'aqtaqa ỹataqta ỹaỹamaqchiyiñi, namayepi saishet da ỹalectaigui ca saq 'en.

Proverbios 14:2

Ca no'oitegue da lataxac qalaq huo'o naq 'enec naqa'en Ñim Nataxala', qaq ca sa ỹaỹamaxañi da lataxac qalaq ỹo'otan Ñimaye.