Proverbios 2:14 - La'aqtaqa Ñim Lo'onatac 'Enauacna 2013

¹⁴ qataq nqopita da ỹo'ottac na qauem, qataq ntootalec nam qauem ỹo'otpi,

Proverbios 2:14 Referans Kwoze

Proverbios 10:23

Ca qaica ca ỹaỹaana'a qalaq machiguiñi da ỹo'ottac na qauemsat, qaq ca ỹaanaxanaxaic qalaq machiguiñi naqa'en da naỹaanec.

Romanos 1:32

Namayepi ỹaỹateeta da Ñim Lo'onatac 'Enauacna la'aqtac da cam ỹo'ottac ne'enapi, nache taỹa'a da l-leuaxa. Qalaxaye namayepi saishet da nachaqrata da ỹo'ottac damaye, nachaqrata da nataqa'en ntooteguec cam lỹa shiỹaxaua maye ỹo'ot nataqa'en de'era.

Jeremías 11:15

¿Che negue't, ca 'anmittaique 'am ỹauotaqte Israel, da qoueta'a ana ỹalamaqte atamnaxaqui, ye mashe ime da qalota na 'auo'ot qauem? ¿'Aupettega peta'a da na lcheta qataq na lapat maye 'auavigaxattac da ishet da qaỹoqta naqa'en dam qauem, qataq da ishet da 'am 'ananeltaxan?»

1 Corintios 13:6

Qataq saishet da iuaxaata'a't naua lhua'q da ỹo'oxoreetac nam qauem da lataxac, nachaqrata da ntootapeguec nam ỹa'axattac da 'eesa lataxac.

Sofonías 3:11

Qaq que'eca na'a'q nache qaica qome ca 'am ỹa'aloqchettac, nam 'auo'otpi maye ỹo'ot co'ollaxa da Aỹem 'auataỹa'aguet, cha'aye 'am ñeqateeguesop qome na na'amqaanaxaicpi qataq na ño'oxonnaxaicpi, nache saishet da qaltaq ỹachaxaatac dam ño'oxonnaxac da hueta'a añim qui'itta ñeqasoxonaxa.

Oseas 7:3

Qaq nam qauem maye ỹo'ottac namayepi qalaq machiguiñi naqa'en ñi nta'a, qataq nam latenataxanaxacpi machiguiñi naqa'en nam nataxala'pi.

Habacuc 1:15

Nache na caldea le'ecpi loxonec na ỹotta'a't shiỹaxauapi, 'eeta'am cam ỹa'acoxoic da loxonec ca nỹaqpi da ỹauota'a aca lqoina qataq ca laleguec, qaq da ilalec da lapoota'a't, nache ỹataqta nlaqchigui da ntonaxac.

Proverbios 21:10

Ca qauemaic qalaq nacherata da iuennatega da ỹo'ot ca qauem, saishet da ichoxoreetac ca lỹa maye 'eeta'am.

Proverbios 4:16

cha'aye namayepi saishet da lactapiguiñi da sa ỹo'ot ca qauem, qataq sa do'oche da saxanaxa da ỹo'otec ca qauem ca lỹa.