Proverbios 2:10 - La'aqtaqa Ñim Lo'onatac 'Enauacna 2013

¹⁰ cha'aye da naỹaanec da taigui añi 'arquiyaqte nache da nauattonaxanaxac ỹo'ot da lamaicỹaxac da 'arquiyaqteỹaxac.

Proverbios 2:10 Referans Kwoze

Jeremías 15:16

Co'ollaq aỹem 'autaqtacot, nache aỹem seuoxoorañi naua 'ara'aqtaqa, naamaye nachenaua naua ỹo'o't da ntonaxac qataq da lamaicỹaxac añi iquiyaqte, cha'aye aỹem 'am ña'attaua'a, 'Am Nataxala' qataq Ñatamnaxala' maye Qaica ca 'Auqalanapec.

Colosenses 3:16

Qataq saishet da qaucoviỹa'ai da llo'oxoye'c naua lapaxaguenataxanaxaco So Cristo. Qataq da qauapaxagueñi ca qarỹai huo'otaq da qaua'añaqchichi qalaq ỹataqta qanaỹaanaxanaqchiñi. Qataq qauo'oñi na no'onecpi maye huetalec ana nere maye huetalec na la'aqtacpi Ñim Lo'onatac 'Enauacna, qataq qauo'oñi' naua no'onqa maye chegoqo'oto So Saqcha'a Na'añaxac Qui'itta, qataq qaỹa'añiitacot da qana'achecỹaxaqui Ñim Lo'onatac 'Enauacna ỹataqta imauec da qarquiyaqteỹaxaqui.

Da na'aqtaguec so Job 23:12

Qataq ỹataqta saishet da saxaarec naua lamaxasoxonaxaco, qataq ỹataqta saỹamaxatteque naua la'aqtaqa.

Salmos 119:162

Cha'aye naua 'ara'aqtaqa ỹo'o't da samachiguiñi, 'eeta'am ca ilalec ca qalota nogoxoshetpi.

Salmos 104:34

Qaq no'ono' da ỹamaategueta Ñimaye naua iuennataxaco, cha'aye nacheñita Ñimaye da chegoqtacot da ỹamaicỹaxac.

Salmos 19:10

qataq ỹataqta napacalec da lashiichiỹaxac ca no'on oro, qataq ỹataqta napacalec da lamaic na te'esaq lli'i maye huetagui ca lte'.

Salmos 119:111

Cha'aye naua 'aramaxasoxonaxaco naamaye chochaq tatec da ỹalamaqa'ate, qaq nachenaua na ỹo'ot da ntonaxac da iquiyaqteỹaxac.

Proverbios 14:33

Añi lquiyaqte ca ỹaanaxanaxaic nache huetanguit da naỹaanec, qalaxaye na qaica ca ỹaỹaanapec saishet da ỹauatton damaye.

Salmos 119:103

Ỹataqta amai' naua 'ara'aqtaqa da huetaiguilo na aỹap, napacalec da lamaic ca te'esaq lli'i da taigui na aỹap.

Salmos 119:97

Aỹem ỹataqta sauoteque naua 'arqataxaco, ỹoqo'oye 'enauac ye na'a'q da ñapaxagueetegalo.

Proverbios 1:4

yaqto' sa nqalat qanqa'en na nsoxoppi maye saxanaqca ca ỹaỹaten, qataq qoỹanem da lauattonaxanaxac qataq nlotec.

Proverbios 22:18

Cha'aye damaye ỹataqta 'onaxaic da 'auachaigui da 'antoonaxac, yaqto' ishet da 'avi'eguelaqtalec da 'anasaqtauec.

Proverbios 4:6

'Auauotec qome de'era naỹaanec, qataq saishet da qoca'ai damaye yaqto' damaye 'am npaxattalec.