Proverbios 19:7 - La'aqtaqa Ñim Lo'onatac 'Enauacna 2013

⁷ Ca choxoraq qalaq ivira'a ca lqaỹañecpi da ỹo'otan, qaq nache 'eetec nataqa'en na nauochaxauapi da ca'ai camaye. Na'aictoxo' da nachoxoreeta da nmittaique ca na'aqtaxane' qalaxaye saishet da ỹanata.

Proverbios 19:7 Referans Kwoze

Proverbios 19:4

Da nsallaxa naueguela't na qalota auochaxauapi, qaq ca choxoraq qalaq ivira'a ca nauochaxaua ỹalat camaye.

Proverbios 21:13

Ca saishet da hua'axaỹa da nachoxonnaxac ca choxoraq, qaq camaye nataqa'en saishet da qaỹa'axaỹa da ivita da iỹaxanaique ca ntaunaguec.

Proverbios 18:23

Da detaqa ca choxoraq qalaq nachoxoreeteueguelo naua la'aqtaqa, qaq ca sallaxanec da ỹasat qalaq sansatte' na la'aqtaqa.

Salmos 38:11

Na ỹataqta ñauochaxauapi, qataq ivira'a na ihuo' le'ecpi, ỹataqta qaỹoqteuga souaxat na laita na lli'i na ique'emaxa.

Santiago 2:6

Qaq ¿ta'ainco' qami' da saishet da qauyacñiỹapec qataq qauo'otañi na choxoraqpi? ¿Saisheto' peta'a da sa nachena nam sallaxanecpi na saq qami' iyacna'ape qataq qami' ỹamaxaiguilo ana ncoñetaxanaxaquipi?

Proverbios 14:20

Ca choxoraq qalaq ivira'a na nauochaxauapi da ỹaỹemec camaye, qaq ca sallaxanec qalaq qalota na nauochaxauapi.

Salmos 88:18

Qataq aỹem ca'ai 'anqa'en na ñauochaxauapi qataq na ỹaỹepi, qaq nagui nda'a't da ñauochaxaua na napalaxa.

Salmos 88:8

Qataq 'auo'otec da aỹem ỹalat na ñauochaxauapi, qataq da aỹem deqaiga namayepi. Nache sheeta'am ca ncoñeteguishec maye saishet da datauec.

Proverbios 10:15

Da lsallaxa ca sallaxanec nachera da npaxattalec, qaq ca choxoraq qalaq nlaxaañi da lachoxoyec.

Salmos 38:12

Na huotaique da aỹem ỹalauat qalaq lapaxañi ana lqoinapi, na huotaique da aỹem ỹo'otec ca qauem, qalaq ỹareetega da aỹem nlaxaañi, nache 'enauaque naua na'axa'te ỹo'ottac da latenataxanaxac.

Proverbios 27:10

Saishet qome da 'aualat ca 'anauochaxaua, qataq ca nauochaxauapi ca 'arta'a. Qataq saishet qome da 'anqo'ona ca lma' ca 'arqaỹa qom huo'o ca qouaigui. Ỹactec da no'on ca nhuoreua maye saqaỹapeque, qaq saq 'ena'am ca qaỹoqta nqaỹa.