Proverbios 19:5 - La'aqtaqa Ñim Lo'onatac 'Enauacna 2013

⁵ Ca ỹa'axat ca saq 'en qalaq saishet da saqaỹauo'o ca nhuaxanaguec, qataq ca shepecaic qalaq saishet da qoỹet.

Proverbios 19:5 Referans Kwoze

Proverbios 21:28

Ca saq 'en ca ỹa'axat taỹa'a da qailaxachigui, qaq ca ỹaỹaten da na'axaỹaxanaxac qalaq lhuotta'a ca la'aqtac.

Proverbios 19:9

Ca saq 'en ca ỹa'axat saishet da saqaỹauo'o ca nhuaxanaguec, ca shepecaic qalaq iuatta'aguet da nleuaxa.

Proverbios 6:19

qataq ca saq'en ca ỹa'axat, qataq tenataxanaxaic, qataq deloguiỹa't naqa'en ca nqaỹañecpi.

Éxodo 23:1

«Saishet qome da 'aua'axat ca na'aqtaxanaxac saq 'en, qataq saishet da 'auauaxaiguet ca qauemaic da 'autauanaua'a da ỹa'axat ca sa lataxac.

Daniel 6:24

Qaq huaña, nache so nta'a damaxasoxoneuga da qanauegueuo so shiỹaxauapi maye ỹauo'o so lasouaxashet so Daniel, nache somayepi l-llañe' qanqa'en aso lhuapi, qataq so llalaqpi da qaỹasaxangui aso laỹe' so llonpi, qaq somayepi naxa da saxanaxa da iviyiña na pa'aguiñi aso nshere, nache so llonpi parenaxaneguet nache icolaxattac.

Deuteronómio 5:11

Ỹoqo'oye saishet da qaua'ashaxañiỹai' da le'enaxat Ñim Nataxala' maye Qanatamnaxala'ai, cha'aye saishet da saqca ca nhuaxanaguec naqa'en ca ỹa'ashaxanai' da le'enaxat Ñimaye.

1 Reyes 2:9

Qalaxaye 'am, saishet qome da 'auchoxoreetac. Cha'aye 'am ỹaanaxanaxaic, nache maiche 'auaỹaten cam qoneta'ac qome, qaq na'aictaxa da mashe ỹa'axaiquiolec, qalaxaye saishet qome da 'auchoxonai' da 'aualauat.»

1 Reyes 13:18

Nache se'eso ỹa'axaiquiolec ỹatenachet somaye, 'eeta': Aỹem, nataqa'en aỹem na'aqtaxanaxanec, sheeta'am 'am, qaq huo'o so lamaxashec Ñim Nataxala', da aỹem 'enapega, 'eeta': 'Auauega qome ye 'arma' yaqto' deque'e qataq nỹom 'etaxat.

Salmos 56:7

Qaq 'Am Ñatamnaxala', ỹataqta huetaiya' 'anqa'en qome ne'ena ỹotta'a't shiỹaxauapi, 'aurolec de'era 'aralemataic da yaqto' saishet da ỹet, ca nhuaxanaguec da lle'etaxaloxo.

Proverbios 14:5

Ca na'aqtaxanaxanec maye 'eesa saishet da datenataxan, qaq ca na'aqtaxanaxanec maye saq 'en qalaq ỹa'axat ca saq 'en.

Éxodo 20:16

Saishet da 'am tenataxanaxaic da choche 'auo'ot ca lasouaxashet ca 'arỹa.

Proverbios 14:25

Ca 'eesa na'aqtaxanaxanec qalaq nca'alaxateeguesop da l-leuaxa ca lỹa, qaq ca saq 'en na'aqtaxanaxanec, qalaq ỹo'otec da l-leuaxa ca lỹa.