Proverbios 19:3 - La'aqtaqa Ñim Lo'onatac 'Enauacna 2013

³ Da 'eetec da qaica ca ỹaỹaanapec ca ỹale nachera da ỹo'ot da daqat da nqa'aicỹaxac, ime, nache nmaxalec da lasouaqtac camaye Ñim Lo'onatac 'Enauacna.

Proverbios 19:3 Referans Kwoze

Salmos 37:7

Ỹataqta 'añe'emaxat da qoueto'ot Ñim Nataxala', qataq 'auauo'o da 'arhualaxavic da 'auata'a da 'am itauan Ñimaye. Saishet da 'am inogoqchet ca huo'o da na'achecỹaxac, huo'otaq ca lapaqtapiguiñi na qauemsat.

Proverbios 11:3

Na no'on da lataxac qalaq taỹa'a da no'oitegue da llecỹaxac, qaq na saq ỹataxalec da lataxac qalaq ilaxachigui da maiche lle'etaxaloxo.

Salmos 37:1

Saishet qome da 'aualemata souaxat na qauemaicpi, qataq saishet da 'anquiỹatega na ỹo'ottac na qauempi,

2 Reyes 6:33

Qaq co'ollaq ña na'aqtaxaatague' somayepi, nache so namaxashec nvireua'a so netaña so Eliseo, nache 'eeta': Qaq cha'aye 'enauac de'era qauem chegoqo'ot Ñim Nataxala'. Qaq ¿negue'to' ca lỹa seuattaique da chegoqo'ot Ñimaye?

1 Samuel 15:23

Ỹataqta qauem da sa qaỹalaxaguet Ñimaye, 'eeta'am da 'eetec da qainattac ca ilaviigui ca lỹa qataq 'eeta'am da qanatameetacot ca atamnaxala'pi. Qaq cha'aye 'am saishet da 'auaconegueta naua lamaxasoxonaxaco Ñimaye, qaq Ñimaye nataqa'en saishet da 'am ỹaconeguet da 'am nta'a.»

1 Samuel 13:13

Nache so Samuel 'enapeco': «¡'Am ỹataqta huo'o da 'oic peta'a! Qamaq taxa da 'aualaxaguet da namaxasoxonaxac maye 'am ỹanem Ñim Nataxala', nache Ñimaye ipacchigui taxa da nache 'eetai' naqa'en da 'aro'onataxanaxac da 'aulotague' na netaña na Israel.

Isaías 32:6

Cha'aye cam qauemaic da detaqa qalaq ipacchigui da qauema naua la'aqtaqa, qataq nache iuennatega da ỹo'ot na qauempi, qataq nmitta'a da ỹo'ot da lalaataxanaxac, qataq datenataxan da dataỹa'aguet Ñim Nataxala', qataq saishet da iquia'axan cam huo'o na lqouaxa, qataq saishet da nỹomaxan cam huo'o na laquip.

Da na'aqtaguec so Job 15:13

¿Ta'ainco' da ỹataqta 'aualemataỹa Ñim Lo'onatac 'Enauacna, qataq 'aỹa'axaateueeguelo naua 'ara'aqtaqa?

Lamentaciones 3:39

Cam shiỹaxaua da 'etaxaloxoic, ¿qaq negue'to' cam nachoxoreetapeguem da ña nca'altauec?

Ezequiel 18:25

Qami', qoñiỹapec qome da saishet da so'onataxaatega da nalochiguiñi lataxac; qalaxaye ña qana'axaỹaxañi qami' nhuo' Israel le'ecpi, ¿qaupicheetega peta'a da saỹaỹamaxañi da so'ottac? ¿Qaq saishet peta'a da nache qami' maye qauo'ocheetac nam qauem?