Proverbios 19:25 - La'aqtaqa Ñim Lo'onatac 'Enauacna 2013

²⁵ Da 'auaxan ca sancherapec, nache ỹaỹaanataxanaxan ca qaica ca ỹaỹaanapec, qaq da 'anlaxanec ca ỹaanaxanaxaic nache nquictec da lauattonaxanaxac.

Proverbios 19:25 Referans Kwoze

Proverbios 21:11

Da qaỹo'ot da nhuaxanaguec ca sa lhuanguit, nache ỹo'ot da huo'o na ỹaỹaten ca qaica ca ỹaỹaanapec, qaq da qaỹapaxaguen ca ỹaanaxanaxaic nache huo'o da lauattonaxanaxac.

Proverbios 17:10

Ca ỹaanataxanaxaic, ỹaỹaanataxanaxan da qanlaxa qaq ca qaica ca ỹaỹaanapec qalaq na'aictaxa da cien qaiuaxan qalaq saishet da daỹaanataxan.

Proverbios 15:5

Ca qaica ca ỹaỹaanapec ỹo'ota'n naua lqataxaco ca lta'a, qaq ca ilotegueta naua nqataxaco camaye sanqalat.

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

Deuteronómio 21:21

Nache 'enauac qome ca shiỹaxauapi maye netaña que'eca huaqta'a't nỹecpi, nache ỹalauat qome camaye ira'a ca coma' da ỹasaq. Qaq 'era da 'eetec qome da imeuo qanqa'eñi que'eca qauem maye qami' huetanguilo, yaqto' 'enauac na Israel le'ecpi da ỹaỹaten de'era, nache huo'o qome da lcolanaxa.

Deuteronómio 13:11

Yaqto' qom 'enauac na Israel le'ecpi da ỹauaachigui de'era, nache huo'o qome da lli'iỹaxa, huaña nache saishet da huo'o ca ỹe'eguelaxalec da ỹo'ot ca qauem.

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Proverbios 9:7

Ca iviraxato'ot ca nogaqaic qataq qauemaic, nache camaye ỹe'egueeta'a da qaisheuen qataq qainogoqchet.

Proverbios 1:5

Ca ỹaanaxanaxaic da na'axaỹaxanalo naamaye nache nquictec da laỹaanec, qataq ca ỹaanataxanaxaic, nquictec da laỹaanataxanaxac,