Proverbios 19:23 - La'aqtaqa Ñim Lo'onatac 'Enauacna 2013

²³ Da huo'o naq 'enec qanqa'en Ñim Nataxala' ỹo'ot da nca'alaxa, qataq ỹo'ot da qaica ca machaqca naqa'en ñi 'oonolec qataq saishet da nque'etaxangui ca qauem.

Proverbios 19:23 Referans Kwoze

Mateo 5:6

Ñim Lo'onatac 'Enauacna ỹaalec da nqouagaxa nam huo'o da lyaxa da ỹo'ot ca nalochiguiñi lataxac, cha'aye Ñimaye itauan namayepi, da yaqto' ishet da ỹo'ot damaye.

Proverbios 12:21

Ca ỹale no'on da lataxac qalaq saishet da nque'eteetapigui na qauemsat, qaq ca qauemaic qalaq talec 'enauac na sa ỹaỹamaxañesat.

Salmos 90:14

Ñaq qomi' 'anlaxatchiguilo qome da 'arauotaxanaqtaic da ñaq nte'eta, yaqto' 'enauaque naua na'axa'te da qanachaalataxac da so'onaxanaqtai' da qantonaxac.

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

Proverbios 10:27

Da huo'o naq 'enec qanqa'en Ñim Nataxala' ỹo'ot da logoraic da achaalataxac, qaq naua nachattaiguilo vi'iye ca qauemaic qalaq sa qaỹarec.

Salmos 103:17

Qalaxaye da lauotaxanaqtaic Ñim Nataxala' chochaq tatec da huetalec nam huo'o naq 'enec naqa'en Ñimaye. Qataq da nalochiguiñi lo'onataxanaxac, nache huetalec qome cam llalaqpi namayepi,

Salmos 85:9

Cha'aye Ñimaye ỹataqta saqaỹapeque da nca'alaxatec na huo'o naq 'enec naqa'en Ñimaye, yaqto' da llo'oxoyec nache 'eetai' da hueta'a ne'ena qana'alhua.

Romanos 8:28

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Salmos 91:16

Qataq sanem da qaỹoqtec da nachaalataxac, qataq da ntootapeguec da ica'alaqtaxanaxac.»

Salmos 25:13

qataq qaica ca iueetac naqa'en, qataq ca chegoxoguetpi camaye nache netalec qome na 'alhua.

2 Timoteo 4:18

Qataq aỹem isoueeguesop 'enauac nam qauem qataq aỹem nca'alaxatec, ime, nache aỹem ỹauegueua'a da lo'onataxanaxac maye ỹataqta lta'araic da llo'oxoyec chochaq tatec. Aja', nache 'eetec de'era.

Salmos 19:9

Da huo'o naq 'enec qanqa'en Ñim Nataxala' damaye ỹataqta ỹaỹamaqchiguiñi, qataq nache 'eetai' qaica ca ldaxac. Naua la'aqtaqa Ñim Nataxala' ỹataqta 'eesora, qataq 'enauaque naamaye ỹataqta no'oiteguelo,

Hechos 9:31

Nache 'enauac nam ỹa'amaqten So Jesús maye netaña ye 'alhua Judea, qataq ye 'alhua Galilea, qataq ye 'alhua Samaria, namayepi ỹataqta saishet da ñe'etega da sa qaiyacnapec. Nache queto'ot da ỹo'oxoreetac So Qarataxala', nache ima'ape naua na'axa'te da nquictauec da lpi'iỹaxac So Jesús. Qaq So Saqcha'a Na'añaxac Qui'itta ỹataqta ỹa'añaqchettac namayepi da nquictauec naqa'en ye lcata na da'amqaanataxan.

Salmos 91:10

Nache saishet qome da 'am talec ca sa ỹaỹamaxañi, qataq ca nalolaxa saishet da nviraua'a ca 'arma',

Proverbios 11:19

Ỹoqo'oye da qanayectegue da ỹaỹamaqchiguiñi lataxac qalaq huo'o da nca'alaxa, qaq da qanayectague' da qauem qalaq taỹa'a da nleuaxa.

Proverbios 19:22

Ỹataqta qanaquita'a ca shiỹaxaua da no'on da lataxac, na'aictoxo' da choxoraq qalaxaye saq 'ena'am da shepecaic.

Proverbios 3:24

Da 'anmatec qalaq qaica ca 'añe'etaique, qataq da 'annaañi qalaq qaica ca machaqca da 'aro'ochaxa.

Proverbios 22:4

Da qaica ca na'amaqchec qataq da huo'o naq 'enec qanqa'en Ñim Nataxala', nachera da chegaqaigui da nsallaxa, ño'oxoyec qataq da nca'alaxa.