Proverbios 19:21 - La'aqtaqa Ñim Lo'onatac 'Enauacna 2013

²¹ Ca shiỹaxaua qalota na iuennatega da huotaique da ỹo'ot, qalaxaye nachecata ca 'eetapeguec Ñim Nataxala' maye ishet da qaỹo'ot.

Proverbios 19:21 Referans Kwoze

Proverbios 16:9

Ca shiỹaxaua lapaxañi ca huotaique da llecỹaxac, qalaxaye Ñim Nataxala' nacheñi ñim ỹo'otegue da lqauaxac.

Isaías 14:24

Ñim Nataxala' maye Qaica ca Ỹaqalanapec ỹan da la'aqtac, 'eeta': «Nam seuennatega co'ollaxa qalaq huo'o qome, qataq nam llapaxañi co'ollaxa qalaq ipacchigui da huo'o qome.

Proverbios 16:1

Ca ỹale lapaxañi na huotaique da ỹo'otpi, qalaxaye Ñim Nataxala' nacheñi ñi ỹan ca pa'atec la'aqtac.

Isaías 46:10

Nachaỹem maye sa'auchiguiñi da sa'axatta'a co'ollaxa cam loga't de'era, qataq nachaỹem sa'axata'a co'ollaxa cam ñaq natauo. Qaq shenapec: Nam llapaxañepi ipacchigui qome da huo'o, qataq so'ot qome 'enauac nam maiche seuennategapi.

Proverbios 21:30

Ỹataqta qaica ca naigui ca naỹaanec, naỹaanataxanaxac, qataq ca no'o'n nqataxac da qaỹataỹa'aguet Ñim Nataxala'.

Efesios 1:11

Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

Da na'aqtaguec so Job 23:13

Ñimaye da huo'o ca huotaique da ỹo'ot qalaq qaica ca ishet da nqanaxat, cha'aye ca 'eetapeguec da ỹo'ot, qalaq ipacchigui da ỹo'ot.

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Eclesiastés 7:29

Qaq nachaqrata da selalec da Ñim Lo'onatac 'Enauacna, ỹo'ot co'ollaxa da nalochiguiñi da lataxac so shiỹaxaua, qalaxaye maicheso da nmitaique da na'axat dam nachaalataxac.

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

Salmos 21:11

Qaq ỹoqo'oye na'aictaxa da huotaique da 'am na'aqchet, qataq da huotaique da huo'o ca 'am ỹo'otec, qalaxaye saishet da ỹañoxot,

1 Pedro 2:8

Nataqa'en ye lỹa nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Ena nam coma' maye qalota na desalliilec; qataq qalota na pogolaxaisop.» ¡Qaq namayepi ivireguet de'era! ¡Souaxat da saishet da ỹa'amaqten da na'aqtaguec So Jesucristo!

Génesis 50:20

Qami', aỹem qauo'ochec co'ollaxa so qauem, qalaxaye Ñim Lo'onatac 'Enauacna nmeneguet naqa'en se'eso qauem dam no'on, da yaqto' so'ot dam seloqta'a nagui da yaqto' ñeca'alaxatec da nachaalataxac na qalota shiỹaxauapi.

Proverbios 12:2

Ñim Nataxala' ỹaỹamaxareeta ca ỹale soxoraic, qaq ca 'etaxaloxoic qalaq Ñimaye ỹauo'o ca nhuaxanaguec.

Judas 1:4

Aỹem ỹataqta lta'araic da sheeta, cha'aye huo'o na qami' ỹatenachetta'ape, qaq namayepi qami' ỹalectaiguilo. Namayepi ỹa'axattac da So Jesucristo saishet da nachaqsota da Qarataxala' qataq da qomi' lalamaqa'ate, qaq ỹoqo'oye saishet da iuen da salaxasoxoguet. Namayepi, da lhuennataxac 'eetega da Ñim Lo'onatac 'Enauacna ỹaguec da lauotaxanaqtaic da shenaqta, nache saishet da ỹauo'o ca qanhuaxanaguec souaxat nam qauem so'otaqpi. Mañaxasaco' soua qaỹoqteguelo vi'iye da ana nere maye huetalec na la'aqtacpi Ñim Lo'onatac 'Enauacna da 'eetega da Ñimaye ỹauo'o qome ca nhuaxanaguec namayepi.

Ester 9:25

qalaxaye aso Ester, co'ollaq nachaateua'a so nta'a, nache so nta'a ỹeyiñi so lamaxasoxonaxac, da 'enauac nam qauem lhuennataxacpi so Amán, da huotaique ỹo'otec so judiopi, da maiche talec so Amán. Qaq 'era da 'eetec da so Amán, qataq soua llalqa da qaicoñeldasheguemec co'ollaxa aso 'epaq.

Salmos 83:4

Qataq 'eeta': «Ña qauanaqui da yaqto' ỹataqta ñelaxataqchiguiñi ne'ena nhuo' le'ecpi, qaq yaqto' saishet da qaltaq qaiuennatapega da le'enaxat so Israel».

Proverbios 19:22

Ỹataqta qanaquita'a ca shiỹaxaua da no'on da lataxac, na'aictoxo' da choxoraq qalaxaye saq 'ena'am da shepecaic.

Jeremías 44:29

Qaq Aỹem Nataxala', qami' sanema qome dam la'anaxat dam ỹa'axat da ipacchigui dam ỹarenaxanaxac, da sauo'o qome ca qanhuaxanaguiiqui da qoviita'a ne'ena 'alhua.

2 Samuel 17:14

Nache so Absalón qataq 'enauac so Israel le'ecpi, ỹaỹamaxareeta de'era la'aqtac so Jusay, cha'aye ỹoqta ỹaỹamaqchiguiñi naqa'en, saq 'ena'am da lapaxañi la'aqtac so Ajitofel. Cha'aye Ñim Nataxala', nache 'ena'ac co'ollaxa da yaqto' saipac naqa'en da laỹaanataxanaxac so Ajitofel, qataq taỹa'a naqa'en da l-leuaxa so Absalón.

Ezequiel 20:32

Cha'aye mashe taigui ye qarhuennataqai, da qauauoitaique da qoñeeta'am na laỹepi ỹotta'a't shiỹaxauapi ana 'alhua, maye ỹo'oxoreetac na 'epaq qataq na coma', qalaxaye saishet qome da 'eetec de'era.