Proverbios 19:2 - La'aqtaqa Ñim Lo'onatac 'Enauacna 2013

² Sa ỹaỹamaxañi da sa qaiuennataxaalec ca qoỹeetapeguec, qataq da qalota da nỹalaxa nache ỹo'ot da nsomaxac.

Proverbios 19:2 Referans Kwoze

Proverbios 21:5

Da ỹataqta qaiuennataxaalec na qalapaxañipi nache huo'o ca naigui, qaq da nỹalaqtoc ca qaỹo'ot qalaq taỹa'a da nlaguiñi.

Filipenses 1:9

Qataq naxa da ñeqouagaxaueetac, qalaq seỹaxaatacot Ñim Lo'onatac 'Enauacna da qami' nquigaxatta'agueta da ỹataqta qanauochiỹa't, qataq ỹataqta qauaỹaañita ca no'on, qataq qauauattoñiita ca 'eesa lataxac,

Proverbios 29:20

Qaq ỹoqta ỹactec da ishet da qanaquita'a ca qaica ca ỹaỹaanapec, cha'aye camaye saq 'ena'am ca sa ilo'oguelo naua la'aqtaqa da detaqa.

Romanos 10:2

Cha'aye aỹem saỹaten da namayepi ỹataqta lta'araic da lyaxa da do'onataxanot Ñim Lo'onatac 'Enauacna, qalaxaye namayepi sa ỹaỹaten ca 'eetec da qaỹo'onataxanot Ñimaye.

Juan 16:3

Qaq ỹo'ot qome de'era namayepi, cha'aye saishet da ỹauatton Ñim Ita'a, nataqa'en Aỹem.

Oseas 4:6

Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Isaías 28:16

Qaq ỹoqo'oye Ñim Nataxala' 'enapec: «Aỹem sanaña qome ye Sión ca coma', ca coma' maye lleca'aguishec qataq ỹataqta lta'araic da lasheechiỹaxac, qaq camaye nacheca qome cam ỹactec da 'enec, qataq nacheca cam lo'oxonaxala' ca nỹec. Qaq cam pi'iỹa'a qome camaye qalaq ỹataqta ỹe'emaqtac.

Proverbios 28:20

Ca shiỹaxaua maye npe'et camaye ivira'a da qaỹo'oxoreetac, qaq ca nda'a't da iỹalata'a da lsallaxa, qalaq saishet da saqca ca nhuaxanaguec.

Eclesiastés 12:9

Qaq co'ollaq mashe ỹaguec na laỹaanec so 'aqtaxanaxaic, nache nquictec nam naỹaanec maye ỹapaxaguenec nam shiỹaxauapi. Qaq nataqa'en nañaneguet da ỹacoolec da napaxaguena nam qalota ntaxaỹaxacpi, qataq da ỹaỹamaxatchiguiñi da iỹottecache.

Eclesiastés 7:9

Saishet qome da 'aua'aqta'a da 'am ỹauectac da nalemataic, cha'aye damaye lalamaxat cam shiỹaxaua maye qaica ca ỹaỹaanapec.

Proverbios 28:22

Ca nda'a't da iuennatega da nsallaxa, camaye saỹaỹaten da naỹa'a da lachoxoyec.

Proverbios 25:8

nache saishet da 'auỹalapegue' da 'aua'axateua'a ca huaña da huo'o na qanmit, cha'aye saiuena'a da huo'o ca lỹa shiỹaxaua 'am iqoleguet, huaña, nache sa 'auaỹaten ca qonetec.

Proverbios 14:29

Ca qaỹoqchiguinguit da lalemataic camaye ỹoqta ỹaanataxanaxaic, qaq ca sancherapec qalaq ỹachaxan da ne'enaxac.

Proverbios 1:16

cha'aye namayepi ỹataqta huo'o da lỹalaxa da ỹo'ot ca qauem, qataq iỹalata'a da icoldec naua ntago'q,

Proverbios 10:21

Naua la'aqtaqa ca ỹaanaxanaxaic qalota ca ỹapaxaguen, qaq ca qaica ca ỹaỹaana'a qalaq ilem da qaica ca ỹaỹaanapec.

Isaías 27:11

Qaq da deqaqa ana lcoue ana 'epaq nache huacac, huaña nache na 'alpi laỹona't nache dalonaxana da ỹo'ot ca l-le'. Cha'aye ne'ena nhuo' le'ecpi qaica ca laỹaanataxanaxac. Qaq ỹoqo'oye Ñim Lo'onatac namayepi saishet qome da ichoxoren, qataq saishet da ỹasaxalec da lchoxonnataxanaxa.

Da na'aqtaguec so Job 31:5

Cha'aye da iqauaxac sa ỹauanago' da shectague' ca sa ỹaỹamaxañi, qataq sa ñeqalgoqta'a ca natenataxanaxac.

2 Reyes 4:39

Qaq huo'o so 'oonolec somayepi da tauga so no'onaxa, nache ilalec aso 'eeta'am ana ltañi aso ala, nache qalota aso napoc, ỹachalec so lapo' nache irouo. Qaq co'ollaq ivireuo nache npeleguiñi asomaye, nache ỹasaxangui aso taxaqui da lalegue naqa'en som nhuoshec, na'aictaxa da sa ỹauatton asomaye.