Proverbios 19:16 - La'aqtaqa Ñim Lo'onatac 'Enauacna 2013

¹⁶ Ca ỹalaxaguet da namaxasoxonaxac qalaq ntela'a da maiche nachaalataxac, qaq ca ỹo'otan da lapaxaguenataxanaxac Ñim Nataxala', qalaq camaye ileu.

Proverbios 19:16 Referans Kwoze

Lucas 10:28

Nache So Jesús 'enapeco': –Aja', ỹaỹamaqchiguiñi da 'arasataxac, 'auo'ot qome de'era, nache 'am taỹot da nca'alaxa maye chochaq tatec.

Proverbios 13:13

Ca saishet da ilo'oguet ca napaxaguenataxanaxac qalaq taỹa'a da deqat, qaq ca huo'o naq 'enec naqa'en ca namaxasoxonaxac qalaq huo'o ca nsheetenaguec.

Lucas 11:28

Qalaxaye So Jesús 'enapeco': –¡Ỹactec da machiguiñi na shiỹaxauapi maye na'axaỹaxaatega da la'aqtac Ñim Lo'onatac 'Enauacna qataq ỹalaxaguet!

1 Juan 5:3

Qomi' sachaxanaq da sauotaxac Ñim Lo'onatac 'Enauacna da salaxasoxoguet na lamaxasoxonaxacpi; qaq namayepi saishet da alaqaic da qaỹalaxaguet.

1 Juan 3:22

Nache qomi' ỹanema cam seỹaxanaqaique, cha'aye salaxasoxoguet nam lamaxasoxonaxacpi, qataq so'otaq cam ỹaỹamaxareeta Ñimaye.

Proverbios 29:18

Ca huaña da qaica ca nauanaqchec saqcha'a, nache qaica ca naỹamqa', qalaxaye machiguiñi na shiỹaxauapi maye ỹalaxagueta naua nqataxaco.

Proverbios 21:23

Ca ỹaỹaten da ilotague' ca 'enapec, qalaq saishet da ivireguet ca nque'eenaxac.

Proverbios 16:17

Da llecỹaxac ca no'on da lataxac, qalaq qaỹoqtaique naqa'en na qauem, qaq ca ntela'a da maiche no'on lataxac qalaq maiche ntel-la't.

Apocalipsis 22:14

Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

1 Corintios 7:19

Na'aictaxa da huo'o ca na'anaxashet na lo'oc ca shiỹaxaua, huo'otaq qaica, qalaxaye nache 'ena'am. Cha'aye nachaqcata ca ỹo'ot ca 'eetapeguec Ñim Lo'onatac 'Enauacna, nacheca ca ỹaỹamaxareeta.

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.

Eclesiastés 8:5

Qaq cam ỹalaxaguet ca namaxasoxonaxac, nache sa ivireguet ca qauem, qaq ca ỹaanaxanaxaic qalaq ỹaỹaten ca laloqo' qataq ca 'eetec da ipacchigui damaye.

Proverbios 3:1

'Am ỹalcolec, saisheto' qome da 'aucoua'ai na ỹapaxaguenataxanaxacpi, 'oxotoigui qome da 'antoonaxac na ỹamaxasoxonaxacpi,

Juan 14:15

Da qami' Aỹem qauauochec, nache qaualaqaileguete naua ỹamaxasoxonaxaco.

Mateo 16:26

Cha'aye ¿negue't cam ỹachegoxotaigui ca shiỹaxaua da huo'otaq imatta't da nauec 'enauac nam huetalec ana 'alhua, qaq da nachaalataxac deqat? Qataq ¿chaq negue'to' ca ỹan da ñe'eguelaxaala't da nachaalataxac?

Ezequiel 33:5

cha'aye hua'aqchigui aca nasheere, qalaxaye saishet da qocha'a, qaq camaye maiche lasouaxashet da l-leuaxa, cha'aye taxa da qocha'a, nache ishet taxa da nca'alec.

Jeremías 7:23

Qaq nacherata da samaxalec, da Aỹem ỹalaxaguet, qaq da 'eetec de'era, qaq nachaỹem da Aỹem Natamnaxala', qataq nache ỹalamaxat se'eso nhuo' le'ecpi. Qaq shenapega somayepi da ỹalaxalec dam samaxalec yaqto' no'on da llecỹaxac.

Proverbios 22:5

Na qauemaicpi qalaq huetangui ca llec ana ỹaxat qataq ana nqoinapi, qaq ca ntela'a da nachaalataxac qalaq ishet da dashelec anamayepi.

Proverbios 15:32

Ca sa ỹaconeguet da qanlaxanec, qache sa ỹauotec da nachaalataxac, qaq ca ỹaconeguet da qanlaxanec qalaq ỹaconeguet da naỹaanataxanaxac.

Salmos 103:18

cam ipacchigui da naỹamaxataxac Ñimaye, qataq ca sa icoua'ai da ỹo'ot na lamaxasoxonaxacpi Ñimaye.

Da na'aqtaguec so Job 5:2

Cha'aye da nalemataic taỹa'a da nleuaxa, qataq da nquiỹaxanaqtaic ỹalauat ca qaica ca ỹaỹaana'a.

Proverbios 21:16

Qaq ca shiỹaxaua da ca'ai da llecỹaxac da naỹaanataxanaxac, camaye taỹa'a da ỹalectaigui na leuaxaicpi.