Proverbios 19:13 - La'aqtaqa Ñim Lo'onatac 'Enauacna 2013

¹³ Ca ñalec qaica ca ỹaỹaanapec qalaq ỹo'ot da nque'eenaxac ca lta'a. Qaq aca 'alo maye ncotaxai qalaq 'eeta'am aca llo'oxo maye sanme.

Proverbios 19:13 Referans Kwoze

Proverbios 27:15

Qaq nache 'eetec nataqa'en aca 'alo maye loquiaxai, da 'eeta'am ana sanme llo'oxo da anactac na auot.

Proverbios 21:9

Na'aictoxo' da qanayeeta'a aca lallemaqhuo na pa'asheguem ca nỹec, qalaxaye saq 'ena'am da qanayeetaigui ca lta'araic nỹec da nhuoreua aca 'alo maye petaxai.

Proverbios 10:1

Naua la'aqtaqa so Salomón, 'eeta': Ca ñalec ỹaanaxanaxaic, machiguiñi naqa'en ca lta'a, qaq ca ñalec qaica ca ỹaỹaana'a qalaq ỹo'ot da nque'eenaxac aca late'e.

Proverbios 25:24

Qataq na'aictoxo' da qanayeetaña na laỹolec ca pa'asheguem ca nỹec, qalaxaye saq 'ena'am da qanayeetaigui na lauel ca lta'araic nỹec da nauoreua aca 'alo petaxai.

Proverbios 21:19

Qataq na'aictoxo' da qanayeetalec ca toolec 'alhua qalaxaye saq 'ena'am da qanayeeta'aguet aca 'alo yeloxoi qataq petaxai.

Proverbios 17:25

Ca ñalec qaica ca ỹaỹaanapec ỹo'otec da lalemataic ca lta'a, qataq ỹo'ot da nqui'ic aca late'e.

Proverbios 17:21

Ca ñalec qaica ca ỹaỹaanapec ỹo'ot da nqui'ic ca lta'a, qataq ca ñalec 'oopaic ỹo'ot da qaica ca lamaic ca lta'a.

Da na'aqtaguec so Job 14:19

Qataq 'eeta'am na 'etaxat da ỹau na coma', qataq na la'auaxac na auot da ỹache na namoxoỹaxa maye huetalec ana 'alhua, qaq nache 'eetec, da 'anlaxaañi da naquitaxac ca shiỹaxaua.

Proverbios 15:20

Ca ñalec ỹaanaxanaxaic machiguiñi naqa'en ca lta'a, qaq ca ñalec qaica ca ỹaỹaanapec qalaq qaica naqa'en ca naigui aca late'e.

Proverbios 17:17

Ca auochaxaua camaye nache 'eetai' da auochaxaua, cha'aye da ivita da qanayeuaigui ca que'eenaxac qalaq camaye 'eeta'am ca nqaỹa.