Proverbios 19:12 - La'aqtaqa Ñim Lo'onatac 'Enauacna 2013

¹² Da lalemataic ca nta'a 'eeta'am ca quiyoc da desoqo, qaq da lqouagaxanaqtaic 'eeta'am na 'aỹa da talec na 'auaqpi.

Proverbios 19:12 Referans Kwoze

Oseas 14:5

Nache sheeta'am qome ca 'aỹa da talec na Israel le'ecpi, nache namayepi 'eeta'am qome ana lache late'e da huo'o ana lauoxo, qataq ỹataqta ỹa'areñi na lpa'a'pi, 'eeta'am ana cedropi ye Líbano.

Proverbios 20:2

Ca nta'a da denotac qalaq 'eeta'am ca quiyoc da desoqtac, qaq ca inogoqchet camaye, nache huetalec da lchec da nachaalataxac.

Proverbios 28:15

'Eeta'am ca llon maye desoqtac, huo'otaq aca potai maye nqouaqato, ca qauemaic maye ilotague' na shiỹaxauapi choxoraq.

Salmos 133:3

Qataq 'eeta'am na sheue da chegaqasheguema añi qasoxonaxa Hermón, da naguiñi nache nvittaña añi qasoxonaxa ye Sión. Cha'aye Ñim Nataxala', namaxa da lchoxonnataxanaxa, qataq da chochaq tatec nca'alaxa.

Miqueas 5:7

Qaq nam no'onañi lauo' le'ecpi so Jacob, qom ỹalectaigui na ỹotta'a't shiỹaxauapi qalaq 'eeta'am qome na 'aỹa maye namaq Ñim Nataxala', qataq 'eeta'am na auot da talec ana huouepi, maye saishet da iuatta'a ca 'eetapeguec na shiỹaxauapi.

Daniel 6:24

Qaq huaña, nache so nta'a damaxasoxoneuga da qanauegueuo so shiỹaxauapi maye ỹauo'o so lasouaxashet so Daniel, nache somayepi l-llañe' qanqa'en aso lhuapi, qataq so llalaqpi da qaỹasaxangui aso laỹe' so llonpi, qaq somayepi naxa da saxanaxa da iviyiña na pa'aguiñi aso nshere, nache so llonpi parenaxaneguet nache icolaxattac.

Daniel 5:19

Qaq souaxat dam la'amaqchec maye qoỹanem, nache 'enauac na nhuo' le'ecpi, na ỹotta'a't shiỹaxauapi, qataq na ỹotta'a't na la'aqtacpi ỹataqta lta'araic naqa'en da 'enec, qataq iviloxol naxa da datato'ot somaye. Qaq somaye ỹalauat cam tachigui da ỹalauat, qataq nca'alaxattauec cam tachigui da nca'alaxattauec, qataq huo'o na ỹanem da la'amaqchec, qataq huo'o na ỹanem da qaica ca 'enec.

Eclesiastés 8:4

Cha'aye ca la'aqtac ca nta'a huo'o da la'añaxac, nache qaica ca ishet da nmit nam ỹo'otpi.

Salmos 72:6

Qataq 'eeta'am qome na auot da ipettalec ca nanaxanaqa', qataq na sheue da ipettalec ana 'alhua.

Ester 7:8

Qaq so nta'a co'ollaq ñe'eguelaxauo chegaqauga so nanaxanaqa', nache taua'a so huaña so nquia'axac, nache co'ollaq ila'a da so Amán ỹa'atto'oto naua l-llecte aso Ester, nache ỹa'alaxalec, 'eeta': ¿Peta'a 'auauotaique nataqa'en da 'avi'in ana nate'e, da sauaachigui 'anqa'en da huaña na ima'? Qaq co'ollaq nasaxauec de'era la'aqtac so nta'a, nache qaỹapolec na lashec so Amán.

2 Samuel 23:4

nache camaye 'eeta'am da mashe yo'oxoguet na na'a'q, qataq 'eeta'am na le'eraxa añi nala' da qui'ittom, nache ñaxat naqa'en na 'auaqpi da mashe imeueegue ca auot.›

Génesis 27:28

Qaq Ñim Lo'onatac 'Enauacna, 'am ỹanem qome ca auot maye chegoqo'ot na piguem, qataq ca no'on alaỹaxac nam nañiguishecpi ana 'alhua, qataq 'am ỹanem qome ca saqalota trigo qataq ca lataxa.

Deuteronómio 33:28

Nache na Israel le'ecpi ỹataqta qome qaica ca ỹauotaique. Qataq na chegoxoguetpi so Jacob, netalec qome ca 'alhua maye sa qoue na trigo qataq ana uva, qaq na piguem qalaq nache chegoqtacot na 'aỹa.

Isaías 18:4

Ñim Nataxala' aỹem 'enapega, 'eeta': «Aỹem soota'a na ima', she'emaqtom da semeteetac namayepi, sheeta'am na le'eraxa añi nala' da mashe ime na auot, qataq sheeta'am na napalñi 'aỹa ye na'a'q napaxaỹañi, maye huetoigui da qanqat na ala na nañiguishec.

Ester 1:12

Qalaxaye aso nate'e saishet co'ollaxa da ỹalaxaguet da la'aqtac so nta'a, maye ỹanema soua shiỹaxau' maye ỹataqta lpe'e'te. Nache so nta'a ỹataqta dalemata qataq ỹataqta nlaxagui da lalemataic,