Proverbios 18:8 - La'aqtaqa Ñim Lo'onatac 'Enauacna 2013

⁸ Naua la'aqtaqa ca na'aqtaqa lo'o' ỹataqta huo'o da lamai'c 'eeta'am ca ama nallec, maye ỹataqta ivitchiguiñi da qanallec.

Proverbios 18:8 Referans Kwoze

Proverbios 16:28

Ca qauem da lataxac qalaq ỹo'ot da loquiaxac, qaq ca na'aqtaqa lo'o' qalaq ỹo'ot da pa'aguenaxac.

Proverbios 12:18

Huo'o na shiỹaxaua deque'emaqtaxa'n naua la'aqtaqa, qaq naua la'aqtaqa ca ỹaanaxanaxaic qalaq datannaxa'n.

Levítico 19:16

Saishet da huo'o ca na'aqtaqa lo'o' da ỹalectaigui ca laỹepi, qataq da taỹa'a naqa'en da lchec da nachaalataxac ca lỹa shiỹaxaua, souaxat ca latenataxanaxac. Qaq 'era da ỹa'aqtac, Aỹem Nataxala'.

Salmos 52:2

Qaq 'am nda'a't da 'auo'ottac na qauemsat, na 'arachaxat qalaq 'eeta'am da llaxa ca ỹeelonec,

Proverbios 18:7

Naua la'aqtaqa ca qaica ca ỹaỹaanapec qalaq nachenaua na maiche nlaxaayiñi camaye, qataq naua maiche la'aqtaqa nachenaua naua maiche que'emaxama.

Proverbios 18:9

Ca sa ỹaỹateelec da ỹo'ot ca lo'onatac, camaye 'eco' lqaỹa ca ishet da delaqtaxan.