Proverbios 18:6 - La'aqtaqa Ñim Lo'onatac 'Enauacna 2013

⁶ Naua la'aqtaqa ca qaica ca ỹaỹaanapec qalaq ỹo'ot da cotaxac, qataq ne'enaua la'aqtaqa ỹo'otteua'alo da loquiaxac.

Proverbios 18:6 Referans Kwoze

Proverbios 27:3

Na coma'pi qataq na lsoche namaye ỹataqta qapa'atta, qalaxaye ỹactec da qapa'atta da lalemataic ca qaica ca ỹaỹaanapec.

Proverbios 29:9

Ca ỹaanaxanaxaic da ncotaỹapegue' ca qaica ca ỹaỹaanapec, qalaq na'aictoxo' da dalemata huo'otaq daỹalleguettac, qalaxaye qaica ca ỹachegoxotaigui damaye.

Proverbios 25:24

Qataq na'aictoxo' da qanayeetaña na laỹolec ca pa'asheguem ca nỹec, qalaxaye saq 'ena'am da qanayeetaigui na lauel ca lta'araic nỹec da nauoreua aca 'alo petaxai.

Proverbios 20:3

Qataq ỹo'oxoraq ca ỹale da maiche ivita'a ca cotaxac, qaq ca qaica ca ỹaỹaanapec qalaq ishet da ỹo'ot damaye.

Proverbios 19:29

Mashe sogote da qaiqataxaatai' da nhuaxanaguec na sancherapecpi, qataq na nhuaxanaxanaxat da yaqto' qaiuaxaalec na l-laq ca qaica ca ỹaỹaanapec.

Proverbios 19:19

Ca ỹaguec da lalemataic qalaq ỹaconeguet da maiche nhuaxanaguec, qaq ca nshetaique da nhuogaxa qalaq ỹe'eraxatoigui da lalemataic camaye.

Proverbios 17:14

'Eeta'am ca tala ipaxaalec ca cotaxac maye qanayecot da qaỹo'ot, qalaxaye ỹaỹamaqchiguiñi da qanayeca'ai da ñaq saxanaxa da lliỹa't camaye.

Proverbios 14:16

Ca ỹaanaxanaxaic ñi'iỹa'aguet ca qauem qataq ca'ai camaye, qaq ca qaica ca ỹaỹaanapec qalaq qaica ca huotaique.

Proverbios 14:3

Naua la'aqtaqa ca qaica ca ỹaỹaanapec qalaq chegaqaiguilo da na'amqaanaxac, qaq naua la'aqtaqa ca ỹaanaxanaxaic qalaq npaxattaleguete camaye.

Proverbios 13:10

Da 'amqaanaxac ỹo'oteua'a da loquiaxac, qaq da naỹaanec qalaq hueta'aguet ca sa na'amaqten.

Proverbios 12:16

Ca qaica ca ỹaỹaanapec qalaq saqaỹaloq da ỹachaxan da lalemataic, qaq ca huo'o na ỹaỹaten qalaq saishet da qochetega ca mpa'aguenataguec.

Proverbios 22:10

'auamaqauec qome ca sancherapec yaqto' imeuo da loquiaxac, qataq imeuo na cotaxacpi qataq da nsheunaxanaxac.