Proverbios 18:5 - La'aqtaqa Ñim Lo'onatac 'Enauacna 2013

⁵ Sa ỹaỹamaxañi da qaiueelec ca huo'o ca lasouaxashet, qataq sa ỹaỹamaxañi da sa qaiueelec ca qaica ca ỹasouaxat.

Proverbios 18:5 Referans Kwoze

Levítico 19:15

Saishet da huo'o ca qaỹo'ot sa ỹaỹamaxañi lataxac da qanmit ca huo'o ca lasouaxashet. Qataq saishet da qaiueelec ca choxoraq, huo'otaq ca sallaxanec. Nacherata da qaỹo'ot ca ỹoqta nalochiguiñi lataxac.

Proverbios 28:21

Qataq saỹaỹamaxañi da qalca'atagui na shiỹaxauapi, cha'aye ivira'a catai' saq 'amaqtaq nallecolec ishet da qaỹasoilec.

Deuteronómio 16:19

Qataq saishet qome da ỹashaxanec da nalochiguiñi lataxac, qataq saishet da lca'atagui na shiỹaxauapi, qataq saishet da ỹaconeguet aca nsheetenaxanaqte, cha'aye aca nsheetenaxanaqte iqanamaqchet ca ỹaanaxanaxaic, qataq ỹashaxanec ca la'aqtac ca shiỹaxaua maye no'on da lataxac.

Salmos 82:2

¿Chaq laguio' da qaỹa'axañiiñi qami' da qauo'ocheetac nam lataxacpi maye saishet da 'eesa, qataq da qatauañiitac na qauemaicpi?

Proverbios 24:23

Qaq 'ena nataqa'en na la'aqtacpi na ỹaanaxanaxaicpi, 'eeta': Saỹaỹamaxañi da qalca'atagui na shiỹaxauapi da hueta'a ca huaña da qanmit na nasouaxashet.

Proverbios 17:15

Da choche qaichoxoren ca huo'o ca lasouaxashet qataq da qaỹo'ot ca nhuaxanaguec ca qaica ca ỹasouaxat, qaq ne'enaua dos ỹataqta saishetegueta Ñim Nataxala'.

Mateo 22:16

Huaña, nache huo'oi soua qaỹama'q nam lapaxaguenatacpi somayepi, nnaictague' qanqa'en nam ỹalectaigui na quetague' so nta'a Herodes, da yaqto' 'enapega So Jesús, 'eeta': –'Am Napaxaguenataxanaq, qomi' saỹaanaq da 'am ỹataqta 'eesora naua 'ara'aqtaqa, qataq 'auapaxagueeteguec na shiỹaxauapi da 'enauac ỹalaxaguet Ñim Lo'onatac 'Enauacna. Qataq saishet da 'auqochetega nam quetapeguelec da 'arapaxaguenataxanaxac, cha'aye 'am saishet da 'autaqtac da 'auauotaique da 'am ỹaỹamaxareeta namayepi.

Isaías 5:23

Na nmitta'a da nmeela't da ỹo'ot da qaica naqa'en ca lasouaxashet nam huo'o na lasouaxashet, qataq saishet da ỹo'otec ca no'on nam no'on da lataxac.

Da na'aqtaguec so Job 34:19

Qaq Ñim saishet da lca'atagui na llalaqpi na nta'alpi, qataq saishet da ỹapagaqnauec da ỹauotec na sallaxanecpi, cha'aye namayepi nache 'eeta'am na choxoraqpi, cha'aye Ñimaye saishet da 'eetec de'era, cha'aye 'enauac namayepi maiche lo'onatacpi.

Miqueas 7:3

Nache namayepi qaica ca nauec da ỹo'ot na qauem, qaq nam nataxala'pi iỹaxaata'a da qaisheeten da huo'o cam ỹo'ot, qataq nam nmit na nasouaxashetpi iỹaxaata'a da qaisheeten da huo'o ca nmit, qaq nam 'amaqtaqaicpi qalaq maiche ỹoiqueetac nam ỹo'otpi, nache ỹataqta na'axat da lataxac nam netaigui nam huaqta'a't nỹecpi.

Isaías 59:14

Da nalochiguiñi lataxac qalaq qaỹo'otan, qataq da ỹaỹamaqchiguiñi nataxac qaỹoqta qanqa'en, da 'eesa lataxac qalaq saqana'axaỹaxana da huaña ye nlagaqa', qataq da no'on nataxac saishet da yo'oq.

Éxodo 23:2

Saishet qome da 'avi'inaxat na qalota shiỹaxauapi da huotaique ỹo'ot ca sa lataxac. Da ivita da 'auo'ot ca 'ara'aqtaxanaxac, qalaq saishet qome da 'aualecaua'a na qalota shiỹaxauapi, da 'aualecaua'a ca sa lataxac maye qaỹa'axatem ca nta'a,

Éxodo 23:6

Saishet da sa 'atauan ca choxoraqpi ca 'arma', da huo'o ca ncotaxac da taua'a ca nta'a.

Proverbios 17:26

Saỹaỹamaxañi da qaỹo'ot ca nhuaxanaguec ca qaica ca ỹasouaxat, qataq da qaiuaxan ca ỹale saishet 'amaqtaqaic.

Proverbios 31:5

cha'aye da nỹomtac nache ishet da icoua'ai na nqataxacpi, qataq qaica ca ỹanaigui ca 'eetapeguec na choxoraqpi.

Miqueas 3:9

Qaq nagui, ñaq qana'axaỹaxañiỹa de'era na'aqtac, qami' lta'alpi qataq lataxala'pi na Israel le'ecpi, qami' maye qauqaiquiỹa da nalochiguiñi lataxac, qataq qauashaxañeeuec da no'on lataxac,

Éxodo 23:3

qalaxaye nataqa'en saishet qome da 'ataunaua'a ca 'eetapeguec ca shiỹaxaua choxoraq qom saishet da lataxac.