Proverbios 18:4 - La'aqtaqa Ñim Lo'onatac 'Enauacna 2013

⁴ Naua la'aqtaqa ca ỹale 'eeta'am na 'etaxat maye qaỹoqchiguingui, qataq 'eeta'am na tala la'auataxa da chegaqangui na naỹaanec.

Proverbios 18:4 Referans Kwoze

Proverbios 20:5

Naua nhuennataxaco saqcha'alo 'eeta'ama ca qaỹoqchiguingui 'etaxat, qalaxaye ca sanqalat ỹaỹaten da ỹanatalo.

Proverbios 10:11

Naua la'aqtaqa ca no'on da lataxac qalaq chegaqaiguilo da nca'alaxa, qaq ca qauemaic qalaq ipataxañi na qauemsat.

Colosenses 4:6

Naua qartaxaỹaxacolli' ỹataqta qaỹaỹamaxareete' qataq ỹataqta qanqopitalo. Ñi 'oonolec da qoñiita iuen da ỹaỹaten da ỹaỹamaqchiguiñi ca lasataxac da ỹasateguet ca 'oonolec namayepi.

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Proverbios 13:14

Da lapaxaguenataxanaxac ca ỹaanaxanaxaic chegaqaigui da nca'alaxa qataq ishet da nca'alaxateeguesop ca ỹale da loxonaxanaxac da nleuaxa.

Colosenses 3:16

Qataq saishet da qaucoviỹa'ai da llo'oxoye'c naua lapaxaguenataxanaxaco So Cristo. Qataq da qauapaxagueñi ca qarỹai huo'otaq da qaua'añaqchichi qalaq ỹataqta qanaỹaanaxanaqchiñi. Qataq qauo'oñi na no'onecpi maye huetalec ana nere maye huetalec na la'aqtacpi Ñim Lo'onatac 'Enauacna, qataq qauo'oñi' naua no'onqa maye chegoqo'oto So Saqcha'a Na'añaxac Qui'itta, qataq qaỹa'añiitacot da qana'achecỹaxaqui Ñim Lo'onatac 'Enauacna ỹataqta imauec da qarquiyaqteỹaxaqui.

Mateo 12:34

Nam qauapaxaguenataxañiitapeguec qami' ỹataqta qauem 'eeta'am na lshenataxanaxa na na'araxanaq. ¡Aja' ỹoqta 'eesa! Cha'aye ¿ta'ainco' taxa da qanasaqaiuec ca ỹaỹamaqchiguiñi ye qami' qauemaiqa? Cha'aye da huo'o ca no'on da lataxac, nache nataqa'en 'onaxaiqa naua la'aqtaqa, qataq ca qauemaic, nache nataqa'en ipacchigui da qauema naua la'aqtaqa.

Salmos 78:2

Aỹem setaqa qalaxaye sauota'aisalo naua ỹaloqnaxanaqa'ate, ñanoldec naua na'aqtaqa maye saqcha'alo, maye huetoiguilo soua ỹoxoguelo vi'iye.

Proverbios 16:22

Da nauattonaxanaxac chegaqaigui da lca'alaxa ca hueto'ot damaye, qaq da nhuaxanaguec ca qaica ca ỹaỹaanapec qalaq chegaqaigui da maiche no'oopashaxac.

Proverbios 18:3

Na qauemsat nache lỹateuo da na'aloxo, qataq da 'amqaanaxac ỹo'ot da qaica ca na'amaqchec.