Proverbios 18:2 - La'aqtaqa Ñim Lo'onatac 'Enauacna 2013

² Ca qaica ca ỹaỹaanapec qaica ca lyaxa da huo'o ca ỹaỹaten, nacherata da ño'oxoreetapigui catai' ỹaỹatenolec.

Proverbios 18:2 Referans Kwoze

Proverbios 1:7

Da naỹaanec, damaye chegoqchigui da huo'o naq 'enec qanqa'en Ñim Nataxala', cam qaica ca ỹaỹaana'a qalaq ỹo'otan da naỹaanec qataq da napaxaguenataxanaxac.

Proverbios 12:23

Ca qaica ca nqalaate' saishet da ño'oxoreetapigui da laỹaanec, qaq ca qaica ca ỹaỹaanapec qalaq ño'oxoreetapigui da no'oopashaxac.

Proverbios 17:16

Negue'to' ca naigui ca qaica ca ỹaỹaanapec da huo'o aca alom, ye saishet da desheenaxana da naỹaanec cha'aye qaica ca lauattonaxanaxac.

Proverbios 13:16

Ca huo'o na ỹaỹaten qalaq ỹaỹamaxatchiguiñi da huo'o ca ỹo'ot, qaq na qaica ca ỹaỹaanapec qalaq na'amqaañigui da no'oopashaxac.

1 Corintios 8:1

Qaq nagui qami' sa'axatema da lataxac ca nallec maye hua'auñi da qoỹanot na choche ne'enaqtacpi maye qanatameetacotpi qataq saq 'en. 'Enauac da shenaqta saỹatenaq de'era. Qalaxaye saỹatenaq de'era nauattonaxanaxac da ỹo'ot da napagaqaanaxac qataq da ño'oxonnaxac ca shiỹaxaua. Qalaxaye da nsoxoyec ỹa'añaqchet da qara'amqaanataxanaxac.

Eclesiastés 10:3

Cam qaica ca ỹaỹaanapec, qalaq 'enauac nam ỹo'otpi ỹachaxan da lachoxoye'c naua lhuennataxaco, qaq na'aictaxa da 'eetega nachena nam laỹepi nam qaica ca ỹaỹaten.

Filipenses 1:15

Qaq 'eesa da huo'o na ỹa'axattac So Cristo, cha'aye ỹa'axattac da no'on na'axaỹaxac, cha'aye 'eesa da huotaique da detaunaxan, qataq ỹataqta ỹauotec So Cristo qataq ỹaỹaten da Ñim Lo'onatac 'Enauacna aỹem ỹanagui da ỹo'onataxanaxac da seloclec da no'on na'axaỹaxac. Qalaxaye huo'o na laỹepi da choche aỹem nallettague', souaxat da aỹem nquiỹa.

1 Corintios 14:12

Qaq ỹoqo'oye qami' maye huo'o da qaryaqai da qauacoñiiguet na nachetaqtaxanaxatpi maye chegoqo'ot So Saqcha'a Na'añaxac, ỹataqta qanpogoxoiñiỹapegue' qome da qauacoñiiguet cam ishet da nañaxat naqa'en na 'amqaanataxanaxaicpi.

Mateo 8:34

Nache 'enauac so shiỹaxauapi maye lma' yi'iye, nauga So Jesús, nache nachoxoreetacot da ca'ai ye lma' somayepi.

Proverbios 1:22

«Qami' nsoxoppi maye qami' 'enaqaicpi, 'enaxanaxaicpi maye qaica ca qauaỹaañiỹa'a, ¿Che laguio' qaq qaỹa'axañiiñi da qoquiitalec da qaica ca qauaỹaañiỹapec? Qataq ¿che laguio' da qaỹa'axañiiñi da qoquiitalec da qare'enaxanaxaqui, qataq ỹataqta qauo'otañi da naỹaanec?

Proverbios 18:3

Na qauemsat nache lỹateuo da na'aloxo, qataq da 'amqaanaxac ỹo'ot da qaica ca na'amaqchec.