Proverbios 18:16 - La'aqtaqa Ñim Lo'onatac 'Enauacna 2013

¹⁶ Ca nachetaqtaxanaxat ỹo'ot da qaỹauatec 'enauac na lasompi, qataq ỹo'ot da ishet da qaiviraua'a ca shiỹaxaua maye 'amaqtaqaic.

Proverbios 18:16 Referans Kwoze

Proverbios 19:6

Ca chetaqtaxanaxaic qalaq qalota na nauochaxauapi, qataq 'enauac da qanmitta'a da auochaxaua ca huo'o na ỹaatac.

Génesis 43:11

Qaq huaña nache so Israel, 'enapeco': «Hua', cha'aye mashe qaica ca lỹa lataxac damaye, qaq no'on da qauo'oche dam shenapec: qauache qome, qauachiỹaguilo caua qarachoxonaxaquilli' ca nme que'eca ỹale. Qauroỹa qome camaye ca ỹataqta no'on ala na souaqta'a 'alhua: qauroỹa ca saq 'amaqtaq qo'oipaq lcha'q le'enaxat bálsamo, qataq ca mirra, qataq ca saq 'amaqtaq dapic lli'i, qataq ca coraxat ama na laita, qataq aca qo'oipaq ala le'enaxat nueces, qataq ca almendras.

Proverbios 17:8

Ca choche isheeten ca lỹa camaye ipi'itaxaatega da saqalaq da huo'o ca ỹo'ot, cha'aye 'enauac na ỹacoolec da ỹo'ot camaye qalaq 'enauac da ỹañoxot.

1 Samuel 25:27

Qaq nagui 'onaxaic da 'auaconeguet ne'ena ỹachetaqtaxanaxat nallec da yaqto' 'aỹa'anoigui na 'aramaxashecpi maye 'annaictague'.

Génesis 33:10

Qalaxaye so Jacob ỹe'eguelaqto'ot somaye, 'eeta': «'A'i, ñaq aỹem 'arqouaguec. Da ỹoqta 'eesa da aỹem 'auchoxoren, nache no'on da 'auaconeguet nam sauotaique 'anmepi, cha'aye nagui da 'am ñauane', qalaq 'ena'am da nacheñi Ñim Lo'onatac 'Enauacna da ñauane', qataq da aỹem 'auaỹamaxatta nagui da 'am ñauane'.

Génesis 32:20

Qaq nataqa'en qoñiỹapega qome, qoñiita': Na 'aramaxashec Jacob nataqa'en anacta, qomi' nca'attaueeguelo.» Cha'aye da lhuennataxa so Jacob, 'eeta': Cheqoqchigui qome ne'ena nme maye sa'auaxan da samaxa camaye, da nmooñi ñaqa'en da layiloxo, qaq qom ime, nache ñema'ai' da ñauane'. Saiuena'a da 'eetec de'era, nache aỹem ỹaỹamaxatta da ñauane'.

Proverbios 21:14

Ca nachetaqtaxanaxat maye qoỹoxotchiguiñi da qoỹan, nmooñi naqa'en ca lta'araic nalemataic.

1 Samuel 16:20

Nache so Yesé ỹamaq so llalec David, da ỹamaxa so Saúl. Nache ỹamaxague so 'oonolec 'ashena maye ỹataqta pa'atañi naqa'en aso lla'aco nauole 'ayiiña, qataq aso nlaqchigui lo'oc maye laỹe' na lataxa, qataq so 'oonolec quetaq llalec.

Proverbios 18:17

Ca hua'auñi da nqoleguete' ca lasouaxashet nache 'eeta'am da 'eesa ca la'aqtac, qalaxaye da nvireuo ca npa'aguenaxaua nache nqoleguete' 'enauac na 'enapec camaye.

2 Reyes 5:5

Nache so nta'a ye Siria, 'enapeco': Aja', ỹaỹamaqchiguiñi, nache qojec qome, qaq aỹem sauo'o qome aca ỹere, da taỹa'a ca nta'a ye Israel. Nache so Namán, jec co'ollaxa, Nache ỹache aso treinta mil lcatpiole ana plata, qataq aso seis mil lcatpiole ana oro, qataq soua diez anogo,