Proverbios 18:12 - La'aqtaqa Ñim Lo'onatac 'Enauacna 2013

¹² Da ime da 'amqaanaxac nache anac da saqaipaigui ca qaỹo'ot, qataq da ime da qaica ca na'amaqchec nache nca'attalec da qaica ca qaiueetac.

Proverbios 18:12 Referans Kwoze

Proverbios 15:33

Da huo'o naq 'enec qanqa'en Ñim Nataxala', damaye dapaxaguenataxanec da naỹaanec, qaq da qanshetaique da qaỹaconeguet da ño'oxoyec, qalaq hua'auñi qanqa'en da qaica ca na'amaqchec.

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

Proverbios 11:2

Da 'amqaanaxac ỹo'ot da qaica ca ño'oxoyec, qaq da naỹaanec qalaq hueta'aguet na qaica ca la'amaqchec.

Ezequiel 28:2

«'Am Ezequiel, qonapega ñi nta'a ye Tiro, qoneta': Da la'aqtac Ñim Nataxala', 'eeta': Añi 'arquiyaqte ỹataqta nlaqchigui da 'ana'amqaanaxac, qataq qonetega da 'am atamnaxala' cha'aye 'anso'ootangui añi nso'onaxaqui na atamnaxala'pi maye coleesop aso auaxai. Qalaxaye 'am saishet 'am atamnaxala', nacherata da choche 'am shiỹaxaua, maye qonetega 'am hueto'ot ca laỹaanataxanaxac ca atamnaxala'.

Proverbios 29:23

Da ño'oxonnaxac ca ỹale nachera da qaica ca la'amaqchec naqa'en, qaq ca sa na'amqaanaxaic qalaq huo'o da la'amaqchec qanqa'en.

Proverbios 16:18

Da 'amqaanaxac, nca'atalec da nlaguiñi naqa'en ca qaỹo'ot, qataq da ime da pagaqaanaxac nache qataq anac da que'eenaxac.

Lucas 14:11

Cha'aye ca nshetaique da 'amaqtaqaic, qaq nacheca ca saq 'amaqtaq qanqa'en, qaq cam sa na'amaqten, qaq nacheca ca 'amaqtaq qanqa'en.

Ezequiel 28:9

¿Qaq nache qoqueto'ot peta'a da qonetega 'am atamnaxala', da 'auatata'aguet ca 'am ỹalauat? ¡Qom 'am loxonec cam 'am ỹalauat qome, qalaq qoneta'am ca choche shiỹaxaua!

Daniel 9:23

Cha'aye co'ollaq choche 'anatamen, nache Ñim Lo'onatac 'Enauacna 'am ỹasateguet. Qaq aỹem ñanac da 'am sa'axatem dam lasataxac Ñimaye, cha'aye Ñim Lo'onatac 'Enauacna ỹataqta 'am ỹauotec. Qaq nagui, ỹataqta 'ana'axaỹaxaachigui de'era, yaqto' 'auaỹateeta da naigui som 'arauanaqchec:

Daniel 9:20

Qaq aỹem nache shecto'ot da ñatameetac, qataq da sa'axattac nam ỹasouaxashetpi, qataq na lasouaxashetpi na ihuo' Israel le'ecpi, qataq saatacot da ñachoxonnaxac Ñim Nataxala' maye Ñatamnaxala', seỹaxaateguelec añim qui'itta nqasoxonaxa.

Ezequiel 29:9

Qataq so'ot qome da 'am toolec, qaq huaña nache na shiỹaxauapi ỹaỹaten da Aỹem nachaỹem Nataxala'. 'Am maye qonapec naxa: Ye Nilo maiche ỹalamaxat, aỹem ỹo'onatac.

1 Reyes 3:7

Qaq 'Am Nataxala' maye Ñatamnaxala', nagui aỹem talec 'anqa'en de'era lo'onataxanaxac so ita'a David, qaq na'aictaxa da ñaq aỹem nsoqolec, qataq saxanaxa da saỹaten na chochena lataxacpi.