Proverbios 18:10 - La'aqtaqa Ñim Lo'onatac 'Enauacna 2013

¹⁰ Da le'enaxat Ñim Nataxala' 'eeta'am aca nalloxolate maye na'atchiguiñi da la'añaxac, qataq nachaca aca ỹe'egueetacot naxa na no'on da lataxac da nmittaique da qantela'a.

Proverbios 18:10 Referans Kwoze

2 Samuel 22:3

Ñim Ñatamnaxala', 'eeta'am ana coma' da aỹem mpaxattalec, qataq ana mpaqtaxanaqte da aỹem mpaxattalec, qataq 'eeta'am ca ỹataqta qaỹoqotcheguema ñeqañoxotaqa', qataq ica'alaxaqui. ¡Qataq aỹem nca'alaxateeguesop da ñecogaxanataguec!

Salmos 91:2

Qaq camaye da detaxaỹa Ñim Nataxala', nache 'eeta': «'Am, nache 'am ñaquitaxac, qataq 'am ỹe'eguenaxala', 'Am Ñatamnaxala', maye sepe'etega.»

Isaías 26:4

Qami' nache 'eetai' qome da qapi'iitega Ñim Nataxala', cha'aye nacheñi ñim chochaq tatec ñe'eguenaxala'.

Salmos 144:2

Ñimaye aỹem ỹauotec, qataq aỹem mpaxattalec, Ñim qaỹoqotcheguema ñeqañoxotaqa' maye aỹem huesochiguiñi naqa'en. Ñim ipaqtaxanaxat maye aỹem mpaxattalec, Ñim aỹem ỹanem da ỹa'añaxac da selotague' na ihuo' le'ecpi.

Salmos 27:1

Ñim Nataxala', nacheñi ñi aỹem icoỹattalec qataq nacheñi ñi ica'alaxaqui, ỹoqo'oye ¿negue'tom ca she'etaique? ye Ñim Nataxala' nacheñi ñi mpaxattalec da ñachaalataxac, ỹoqo'oye ¿negue'tom ca aỹem icolanaqchet?

Salmos 18:2

'Am, aỹem 'ampaxattalec qoneta'am aca coma' maye ỹe'eguenaxaqui, nache 'am, aỹem 'antela'a qataq aỹem 'anca'alaxattauec, 'am, maye nache 'am ipaqtaxanaxat, qataq ñeqañoxotaqa' maye ỹataqta qaỹoqotcheguemec.

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Apocalipsis 1:8

Ñim Nataxala' maye qaica ca 'ena'am da la'añaxac, Ñim nache 'eetai' da huo'o qataq Ñim do'onataxaatac nagui qataq Ñim mashe nayeetai', 'eeta' da la'aqtac: [«Aỹem maye Nachaỹem la'atchiguiñi, qataq Nachaỹem pa'atec.»]

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

1 Samuel 30:6

Qaq so David ỹataqta huo'o da lhuogoxo co'ollaxa, cha'aye so nalleppi huotaique da imalec somaye da irolec na coma' da ỹasaq, cha'aye ỹataqta lta'araic da nqui'ic, souaxat de'era huaigui so llalaqpi ỹalleppi qataq so 'alpi. Qalaxaye somaye huo'o da la'añaxac chegoqo'ot Ñim Nataxala' maye Natamnaxala',

Jeremías 23:6

Qaq qom ñaq do'onataxaatac camaye, nache nca'alec qome na Judá, nataqa'en na Israel qaica qome ca ndaqtaique. Qaq 'era da le'enaxat da qaiỹaxana qome camaye: ‹Ñim Nataxala' nacheñi ñim qarca'alaxaqui.›

Salmos 91:14

«Cha'aye ỹataqta Aỹem ỹauotec nache ñeca'alaxatec qome, qataq ñepaxattalec cha'aye ỹauattoota da ỹe'enaxat.

Habacuc 3:19

Cha'aye Ñim Nataxala', aỹem ỹanem da ỹa'añaxac, qataq sa ilaua'aguelo naqa'en naua ỹapia'ate 'eeta'am aca ñi'imshe, qataq aỹem ỹaviguisheguema yem ỹataqta qaỹoqotcheguema.»

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

2 Samuel 22:51

Qataq ỹataqta 'aỹa'anem da dauegaxan, na nta'a maye 'arca'aguishec qataq nache 'eetai' da 'arauotaxanaqtaic na David qataq na chegoxoguetpi.»

Génesis 32:11

¡Qaq ñaq aỹem 'arqouaguec qome, da aỹem 'anca'alaxateeguesop da lhuaqỹaxac na ỹaqaỹa Esaú! Cha'aye huo'o da icolanaxa da anac da aỹem iloquiaxan, nache ỹalauat na 'alpi, qataq na ñaqpiolec.

Éxodo 6:3

Ñachaxana co'ollaxa so Abraham, Isaac qataq so Jacob, qaq da ỹe'enaxat 'eeta': Atamnaxala' maye Qaica ca Ỹaqalanapec. Qalaxaye saishet da saỹaanaxanaxanec co'ollaxa soomaye da ỹataqta ỹe'enaxat maye Nataxala'.

2 Samuel 22:2

Qaq de'era lo'onec, 'eeta': «Ñim Nataxala', nacheñi ñi Aỹem mpaxattalec, ỹo'ot da ỹa'añaxac qataq aỹem nca'alaxatec,

Proverbios 14:26

Da huo'o naq 'enec qanqa'en Ñim Nataxala', nachera da ỹo'ot da 'eesa naqa'en da aquitaxac qataq npaxattalec na ñalaqpi.

Proverbios 29:25

Da qañe'etega na ỹalleppi damaye nachera da icoñerai' ca shiỹaxaua, qalaxaye ca pi'iỹa'a Ñim Nataxala' camaye ỹataqta qanpaxattalec.

1 Samuel 17:45

Qalaxaye so David 'enapeco': 'Am, aỹem 'ananauga da aỹem 'aurolec na 'ainec, 'archecna qataq ana 'arataquiaxai. Qalaxaye aỹem, 'am ñanauga da 'am serolec da le'enaxat Ñim Nataxala' maye Qaica ca Ỹaqalanapec, maye Natamnaxala' na nalleppi na Israel le'ecpi, maye 'anshetaique da 'aulogui'.

Salmos 20:2

Qataq chegoqchiguiña ye lma' qui'itta da 'am namaxa qome ca 'antaunaguec, qataq chegoqchiguiña ye Sión da 'am ỹa'añaqchet.