Proverbios 17:9 - La'aqtaqa Ñim Lo'onatac 'Enauacna 2013

⁹ Ca saishet da iqocha'a da qainogoqchettac camaye ỹo'ot da qaỹauotec, qaq ca ipactega de'era nogoqtaxanaxac camaye ỹo'ot da qaỹoqta ca nauochaxaua.

Proverbios 17:9 Referans Kwoze

Proverbios 10:12

Da nquiỹaxanaqtaic ỹo'oteua'a da loquiaxac, da nsoxoyec qalaq ỹapalaxat 'enauac na nasouaxashetpi.

1 Pedro 4:8

Qalaxaye ỹataqta ỹactec qanqa'eñi da qarauotaxanaqtaiqui ca qarỹai, cha'aye da nsoxoyec nachera da ỹapalaxat na nasouaxashetpi.

Proverbios 16:28

Ca qauem da lataxac qalaq ỹo'ot da loquiaxac, qaq ca na'aqtaqa lo'o' qalaq ỹo'ot da pa'aguenaxac.

Salmos 32:1

Ỹataqta machiguiñi qome ca shiỹaxaua maye imauec da qaỹapalaxat na lasouaxashetpi qataq da lle'etaxaloxo.

1 Corintios 13:4

Ca huo'o da lsoxoyec, nache ỹataqta huo'o da lhualaxavic qataq, nache 'eetai' da lauotaxanaqtaic. Ca huo'o da lsoxoyec, nache saishet da quiỹaxanaqtaqaic qataq saishet da 'eetega da qaica ca 'ena'am. Qataq saishet da ño'oxonnaxaic.

Santiago 5:20

qaq aỹem sauotaique da qauaỹaañita da ca ỹo'otec ca 'etaxaloxoic da ỹaxaañi da ỹo'ottac na lasouaxashetpi, nache camaye nca'alaxateeguesop da nleuaxa qataq ỹañoxot Ñim Lo'onatac 'Enauacna da ỹapalaxat na qalota lasouaxashetpi camaye.

Proverbios 17:10

Ca ỹaanataxanaxaic, ỹaỹaanataxanaxan da qanlaxa qaq ca qaica ca ỹaỹaanapec qalaq na'aictaxa da cien qaiuaxan qalaq saishet da daỹaanataxan.