Proverbios 17:8 - La'aqtaqa Ñim Lo'onatac 'Enauacna 2013

⁸ Ca choche isheeten ca lỹa camaye ipi'itaxaatega da saqalaq da huo'o ca ỹo'ot, cha'aye 'enauac na ỹacoolec da ỹo'ot camaye qalaq 'enauac da ỹañoxot.

Proverbios 17:8 Referans Kwoze

Éxodo 23:8

Saishet da 'auaconeguet aca 'ansheetenaqte, cha'aye ana nsheetenaxanaqte ishet da 'eco' iqanamaqchet ca shiỹaxaua, qataq ỹo'otec ca qaica ca ỹasouaxat da daqat ca 'eetapeguec lataxac.

Miqueas 7:3

Nache namayepi qaica ca nauec da ỹo'ot na qauem, qaq nam nataxala'pi iỹaxaata'a da qaisheeten da huo'o cam ỹo'ot, qataq nam nmit na nasouaxashetpi iỹaxaata'a da qaisheeten da huo'o ca nmit, qaq nam 'amaqtaqaicpi qalaq maiche ỹoiqueetac nam ỹo'otpi, nache ỹataqta na'axat da lataxac nam netaigui nam huaqta'a't nỹecpi.

Amós 5:12

Aỹem saỹaten da ỹataqta qalota na qauem qauo'ocheetac, qataq na ỹataqta qalota qarasouaxashichi, qataq da ỹataqta huetaiya' qanqa'eñi na no'on da lataxac, qataq yem huaña naxa da qanmit nam nasouaxashetpi, nache huaña da qauacoñeetapeeguet ana nsheetenaxanaqte, da yaqto' qanauec qanqa'eñi na choxoraqpi.

Isaías 1:23

Na 'arataxala'pi ỹataqta qauemaicpi qataq nauochaxaua na cachaxaicpi. 'Enauac da nmitta'a da nmeela't, qataq nmitta'a da qaỹauo'o na nmepi. Saishet da ỹo'otec ca ỹaỹamaqchiguiñi lataxac ca saploq, qataq saishet da huapegue' da itauan aca pa'ai.

Proverbios 21:14

Ca nachetaqtaxanaxat maye qoỹoxotchiguiñi da qoỹan, nmooñi naqa'en ca lta'araic nalemataic.

Proverbios 17:23

Ca qauemaic ỹaconeguet aca qoỹoxotchiguiñi nsheetenaqte, da yaqto' qaỹashaxanec da llec ca nalochiguiñi lataxac.

1 Samuel 25:35

Ime, nache so David ỹaconeguet 'enauac so ndouec asomaye, huaña nache 'enapega, 'eeta': 'avi'eguelaxa qome ca 'arma', qalaxaye huo'o da 'arlagaxayec, cha'aye mashe 'auaỹaten da 'am salaxaguet, qaq aỹem 'am sanem qome cam 'auỹaxanaique.

Deuteronómio 16:19

Qataq saishet qome da ỹashaxanec da nalochiguiñi lataxac, qataq saishet da lca'atagui na shiỹaxauapi, qataq saishet da ỹaconeguet aca nsheetenaxanaqte, cha'aye aca nsheetenaxanaqte iqanamaqchet ca ỹaanaxanaxaic, qataq ỹashaxanec ca la'aqtac ca shiỹaxaua maye no'on da lataxac.

Génesis 43:11

Qaq huaña nache so Israel, 'enapeco': «Hua', cha'aye mashe qaica ca lỹa lataxac damaye, qaq no'on da qauo'oche dam shenapec: qauache qome, qauachiỹaguilo caua qarachoxonaxaquilli' ca nme que'eca ỹale. Qauroỹa qome camaye ca ỹataqta no'on ala na souaqta'a 'alhua: qauroỹa ca saq 'amaqtaq qo'oipaq lcha'q le'enaxat bálsamo, qataq ca mirra, qataq ca saq 'amaqtaq dapic lli'i, qataq ca coraxat ama na laita, qataq aca qo'oipaq ala le'enaxat nueces, qataq ca almendras.

Salmos 29:4

Da lavilỹaxac Ñim Nataxala' ỹataqta lta'araic da la'añaxac. Da lavilỹaxac Ñim Nataxala' ỹataqta lta'araic da llo'oxoyec.

Salmos 21:13

Ñaq 'anachalataxaañi qome da 'ara'añaxac 'Am Nataxala', yaqto' so'onaq na no'onecpi da sho'oxorenaq da 'eetec da 'arauegaxanaxac.

Salmos 19:6

Qaq da nnoxoosheguem añi nala' nache jec, queto'ot na piguem nache ivitta'a ca loga't ana 'alhua, nache qaica ca ishet da 'eteguet na le'eraxa.

Salmos 18:16

Ñim Lo'onatac 'Enauacna ỹauota'a lhuaq da aỹem ỹacona co'ollaq hueta'a ye qaỹoqotcheguema, nache aỹem nqatsheguem da sootangui aso qaỹoqchiguingui auaxai.

Eclesiastés 7:7

Dam sancherapec nataxac na'axat cam ỹaanaxanaxaic, qataq da qaiỹaxaata'a da qaisheeten da huo'o ca qaỹo'ot damaye na'axat da nataxac.

Génesis 32:14

doscientas aso quetaqpi, qataq veinte so quetaq lhuaraicpi, qataq doscientas aso qaguetapi, qataq veinte so qagueta lhuaraicpi,

Génesis 32:21

Qaq 'era da 'eetec da hua'auta naqa'en so nmepi, qaq somaye no'onaña se'eso lanataqa' se'eso pe.

Proverbios 18:16

Ca nachetaqtaxanaxat ỹo'ot da qaỹauatec 'enauac na lasompi, qataq ỹo'ot da ishet da qaiviraua'a ca shiỹaxaua maye 'amaqtaqaic.