Proverbios 17:5 - La'aqtaqa Ñim Lo'onatac 'Enauacna 2013

⁵ Ca ỹe'enai' ca choxoraq camaye inogoqchet Ñim Lo'onatac 'Enauacna, qaq ca ntootapeguec ca que'eenaxac ỹaqa'a, camaye huo'o qanqa'en da nhuaxanaguec.

Proverbios 17:5 Referans Kwoze

Proverbios 14:31

Ca qaica ca naigui naqa'en ca choxoraq qalaq camaye inogoqchet Ñim Lo'onatac 'Enauacna, qalaxaye Ñimaye ỹo'oxoren ca ichoxoren ca choxoraq.

1 Juan 3:17

Da huo'o ca sallaxanec da ilota'a ca 'oonolec nam la'amqaanataxanaxauapi da huo'o da lhuenaxanaxa, qalaxaye saishet da itauan, nache que'eca sallaxanec saishet da dauotaxanaqta da 'eeta'am Ñim Lo'onatac 'Enauacna da lauotaxanaqtaic.

Proverbios 16:5

Ñim Nataxala' saisheteguet na ño'oxonnaxaicpi, ỹoqo'oye taỹa'a naqa'en da ỹauo'o ca nhuaxanaguec.

Da na'aqtaguec so Job 31:29

Qataq saishet da ñetootapeguec da huaigui, ca qauem ca aỹem ipa'agueetac, qataq saishet da samachiguiñi da nvita camaye da lachoxoyecỹaxac.

Proverbios 14:21

Ca ỹo'otan ca nauochaxaua qalaq huo'o da lasouaxashet, qaq ca ichoxoren na choxoraq qalaq ỹataqta machiguiñi.

Romanos 12:15

Da huo'o ca matapiguiñi, nache camaye qantonaxauai qome; qaq da huo'o ca daquicotac, nache nataqa'en qami' qaraquicoxouai camaye.

Jeremías 17:16

Qalaxaye aỹem saishet da 'am sequicto'ot da 'anamaxa namayepi ca qauem, qataq saishet da sayeetaique da 'anamaxa namayepi ca qauem, qaq 'am 'auaỹateeta dam ỹa'aqtac co'ollaxa, cha'aye damaye ñasaxauec co'ollaq 'am satato'ot.

Salmos 69:9

Da ỹauoche ñi 'arma' ỹataqta aỹem ỹalauat, souaxat da aỹem talec 'enauac da lsheunaxanaxac na 'am isheueetac.

Abdías 1:16

Nache dam 'eetec da qanỹomiitac co'ollaq huaña añi qui'itta ñeqasoxonaxa, qaq nache 'eetec qome da queto'ot da nỹomtac na ỹotta'a't shiỹaxauapi, nache ivitta'a da iqueno'oc na lataxa, huaña nache imauec da pal.

Ezequiel 25:3

Nache qonapega da na'axaỹaxana da la'aqtac Ñim Nataxala' maye taalec yemayepi, 'eeta': Qami' qaua'alqaitagui da qantonaxaqui co'ollaq qauloỹa'a añi ỹalamaqte atamnaxaqui da qanshepaxanaqchet, qataq co'ollaq qailaxachigui ye 'alhua Israel, qataq co'ollaq noxonec na Judá le'ecpi nache qaỹauega ye ỹaqa'a 'alhua.

Abdías 1:10

Qaq souaxat da ỹataqta sa 'auyacnapec qataq 'aualauat so 'arqaỹa Jacob, nache 'am talec qome da ncoxo, qataq ỹataqta imauec da 'am qailaxachigui.