Proverbios 17:4 - La'aqtaqa Ñim Lo'onatac 'Enauacna 2013

⁴ Ca qauemaic qalaq ỹalaxaguet ca shepecaic, qaq ca shepecaic qalaq na'axaỹaxana ca qauema na la'aqtaqa.

Proverbios 17:4 Referans Kwoze

1 Juan 4:5

Namayepi ỹataqta 'etaxaloxoicpi. Qaq nam maiche laỹepi 'etaxaloxoicpi maye huetalec ana 'alhua ỹalaqta'aguet namayepi, cha'aye 'eeta'am da ltaxaỹaxac.

Proverbios 28:4

Qaq ca ca'ai da llec na napaxaguenataxanaxacpi camaye ỹo'oxoreetac qome na qauemaicpi, qaq ca ỹalaxaguet na napaxaguenataxanaxacpi qalaq dataỹa'aguet namayepi.

Isaías 30:10

Nam huo'oi naua l-loxoco qalaq 'enapega naxa, 'eeta': «Saishet da qomi' qaua'aqtaxañima ca qal-loxoqui», qataq 'enapega naxa na na'aqtaxanaxanecpi, 'eeta': «Saishet da qomi' qaua'aqtaxañima cam qarauanaqchiqui maye 'eesa; nacherata da qomi' qaua'aqtaxañima naua huesotte' na'aqtaqa maye ỹo'ot da qanaquitaxac.

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Da na'aqtaguec so Job 16:11

Ñim Lo'onatac 'Enauacna aỹem ỹaneguet da lhuaqỹaxac na shiỹaxauapi qauemaicpi qataq laataxanaxaicpi.

Proverbios 14:15

Ca qaica ca ỹaỹaanapec ỹa'amaqten 'enauac nam qaỹa'axatem, qaq ca huo'o na ỹaỹaten qalaq ilotague' da lqauaxac.