Proverbios 17:3 - La'aqtaqa Ñim Lo'onatac 'Enauacna 2013

³ Na oro qataq na plata qalaq qaỹauota'a na norec na qaỹe'eguen da ỹoqta 'eesa, qaq na nhuennataxacpi qalaq nacheñi Ñim Nataxala' ñi ỹe'eguen.

Proverbios 17:3 Referans Kwoze

Isaías 48:10

Aỹem 'am sequi'itaxatta co'ollaxa, qalaxaye saishet da 'eeta'am ñaqa'en ca lcat plata, nacherata da 'am she'eguenec na le'eraxa aso nqatelaxanaxaqui maye nachera da que'eenaxac.

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Salmos 26:2

Ñaq aỹem 'anmit qataq aỹem 'avi'iguen, qataq 'aumeteeta qome na iuennataxacpi qataq da iquiyaqteỹaxac.

Proverbios 27:21

Na lcat oro qataq na plata qalaq norec na ichoxot da ỹoqta 'eesa, qaq ca ỹale qalaq ichoxot da lataxac da ño'oxonnataguec.

1 Pedro 1:7

Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

1 Crónicas 29:17

'Am Ñatamnaxala', aỹem saỹaten da 'am 'auauatto'n naua nhuennataxaco, qataq 'auaỹamaxareeta da nalochiguiñi lataxac. Ỹoqo'oye aỹem, nachera da ỹaỹamaqchiguiñi iquiyaqteỹaxac da huo'omshe maiche aỹem chegoqchigui da 'am sanot 'enauac ne'ena ỹogoxoshetpi. Qaq nagui, sa'amaqchiguiñi da sauaachigui ne'ena lapoota'a't 'aralamaxat nhuo' le'ecpi, da maiche chegoqchigui da 'am ỹanot na lachetaqtaxanaxatpi.

Salmos 66:10

'Am Qanatamnaxala', qomi' 'auo'oteque da qañe'eguenataguec, da yaqto' qomi' 'auqui'itaxatte', shenaqta'am 'anqa'en na lcat plata.

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

Salmos 139:23

'Am Nataxala', aỹem 'auchemaxata qome yaqto' 'auaỹaten da iquiyaqteỹaxac, aỹem 'avi'iguen qome yaqto' 'auaỹaten na iuennataxacpi,

Proverbios 15:11

Da lmeenaxanaxac Ñim Nataxala' ỹaatec naqa'en da nleuaxa qataq ana huachiqui, qaq nache 'eetec nataqa'en da ỹaatec naqa'en naua lhuennataxaco na shiỹaxauapi.

Proverbios 17:2

Ca nlatac sanqalat ivitta'a da ỹamaqtac ca ñalec maye saỹalaq, qataq camaye ivitta'a da nhuanaua'a na lalamaxatpi na lqaỹañecpi so saỹalaq.

Ezequiel 22:18

«Na nhuo' Israel le'ecpi, qalaq 'eeta'am ñaqa'en ca lsoche na cobre, estaño, lcat, qataq na plomo, huo'otaq na lcat plata, maye no'onaigui aca nqatelaxanaxaqui da ime da qanqateltac.

Daniel 11:35

Qaq nataqa'en huo'o qome ca qaicanapec cam ỹapaxagueetac que'eca nhuo' le'ecpi, qaq yaqto' qom huo'o que'eca ñe'eguenataguec nache ishet da qui'itta, qataq ỹaỹamaqchiguiñi da lataxac, nache ivitta'a cam laloqo' maye mashe qaỹa'axata'a.

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

Deuteronómio 8:16

qataq huaña yi'iye toolec 'alhua da qami' iquia'axaneque so nallec maye chegaqasheguem le'enaxat maná, som nallec maye sa ỹauanapega co'ollaxa da chec so hua'au qarta'ailpi, qataq huaña da ỹo'ot so lta'araic qanque'eenaxaqui qataq so qañe'eguenataguiiqui da yaqto' qauaỹachiñi da qami' ỹaỹamaxattrapiguiñi Ñimaye.

Da na'aqtaguec so Job 23:10

Qalaxaye Ñimaye ỹauattoota 'enauac da iqauaxac, qaq da aỹem ỹe'eguen, nache sheeta'am ca ndotec oro.

Da na'aqtaguec so Job 28:1

«Cha'aye huo'o na huaña da qanqatsheguem na lcat plata, qataq huo'o na huaña da qanqatel na oro.

Proverbios 16:2

Ca ỹale 'eeta'am naqa'en da 'onaxaic 'enauac na ỹo'ottacpi, qalaxaye Ñim Nataxala', nacheñi ñi nmit na nhuennataxacpi.

Proverbios 21:2

Ca shiỹaxaua 'eeta'am da ỹaỹamaqchiguiñi naqa'en 'enauac nam ỹo'otpi, qalaxaye Ñim Nataxala', nacheñi ñi nmit na 'eetapeguecpi camaye.