Proverbios 17:2 - La'aqtaqa Ñim Lo'onatac 'Enauacna 2013

² Ca nlatac sanqalat ivitta'a da ỹamaqtac ca ñalec maye saỹalaq, qataq camaye ivitta'a da nhuanaua'a na lalamaxatpi na lqaỹañecpi so saỹalaq.

Proverbios 17:2 Referans Kwoze

Proverbios 10:5

Ca deqataxan da nvi' ye cotap qalaq ỹaanaxanaxaic, qaq ca do'ocheta da huo'o da no'onataxanaxac qalaq taỹa'a da huo'o da la'aloxo.

Eclesiastés 4:13

Qataq ỹactec da 'onaxaic ca nsoqolec da choxoraq qalaxaye ỹaanaxanaxaic, qaq saq 'ena'am ca nta'a maye ỹa'axaiqui, qalaxaye qaica ca ỹaỹaanapec, cha'aye camaye mashe saishet da ỹaconeguet cam nqataxac.

Proverbios 19:26

Ca sa iyacnapec ca lta'a qataq da ỹo'orauec aca late'e camaye ỹo'ot da na'aloxo qataq qaỹa'aguelec que'eca ñalec.

Proverbios 14:35

Ca nlatac maye sanqalat camaye lauotaxat ca nta'a, qaq ca 'enaqaic qalaq lquiỹaxat camaye.

Proverbios 29:15

Ca nalashenaxanaxat qataq da qanlaxanec ca shiỹaxaua damaye chegaqaigui da naỹaanec, qalaxaye ca ñalec maye saiuooneguet da qaitaxaỹot, ỹo'ot da la'aloxo aca late'e.

Proverbios 11:29

Qaq ca maiche nlaxaañi ca lma' nache qaica ca no'ono'ot camaye, qataq ca qaica ca ỹaỹaanapec qalaq choche l-latac ca ỹaanaxanaxaic.

Proverbios 17:1

Na'aictoxo' da qanallectac ca nallec qaramta qalaxaye huo'o da nlagaxayec, qaq saq 'ena'am da qalota na qaỹo'ot nquia'axac qalaxaye nda'a't da loquiaxac.

Proverbios 17:3

Na oro qataq na plata qalaq qaỹauota'a na norec na qaỹe'eguen da ỹoqta 'eesa, qaq na nhuennataxacpi qalaq nacheñi Ñim Nataxala' ñi ỹe'eguen.