Proverbios 17:16 - La'aqtaqa Ñim Lo'onatac 'Enauacna 2013

¹⁶ Negue'to' ca naigui ca qaica ca ỹaỹaanapec da huo'o aca alom, ye saishet da desheenaxana da naỹaanec cha'aye qaica ca lauattonaxanaxac.

Proverbios 17:16 Referans Kwoze

Proverbios 23:23

'Anmitaique qome da 'eesa lataxac, naỹaanec, napaxaguenataxanaxac qataq da nauattonaxanaxac, ¡qalaxaye saishet qome da 'aumen!

Proverbios 18:15

Da lquiyaqteỹaxac ca ỹaanataxanaxaic ỹaconeguet da lauattonaxanaxac, qaq da la'axaỹaqchec na ỹaanaxanaxaic qalaq nmitta'ai da naỹaanec.

2 Corintios 6:1

Cha'aye qomi' ltau' Ñim Lo'onatac 'Enauacna de'era lo'onataxanaxac. Qaq ỹoqo'oye qami' ñachoxorenaqtoiguilo da saishet qome da saqca ca naigui qanqa'eñi da lqouagaxanaqtaic maye qami' ỹachaxanalo Ñimaye.

Deuteronómio 5:29

Qaq 'onaxaico' qome da nache 'eeta'ac de'era da lhuennataxa namayepi da aỹem ỹo'oxoreetac, qataq ỹalaxagueta naua ỹamaxasoxonaxaco, 'enauaque naua na'axa'te, yaqto' namayepi qataq na llalaqpi 'onaxaic qome da nachaalataxac.

Hechos 13:46

Qalaxaye so Pablo qataq so Bernabé saishet da ñe'erelec da la'aqtaxanaxa'c. Nache co'ollaq ime, nache 'ena'apo': –Da la'aqtac Ñim Lo'onatac 'Enauacna, damaye iuen da hua'auñi da qami' sa'aqtaxanaxama maye qami' judiopi. Qalaxaye nagui ye qami' saishet da qauacoñiiguet, qataq qoñiỹapec ye sa iuen da qauacoñiiguet da nca'alaxa maye chochaq tatec, qaq qomi' nagui, saxaigui nam saishet da judiopi da sa'aqtaxanaxam.

Juan 3:20

'Enauac nam ỹo'ottac na qauem, namayepi ỹataqta nquiỹa na yo'oqchiguiñi, nache namayepi netaigui na napalaxa, cha'aye nshetaique da saishet da ya'aqaleguete naua ỹo'otta'ape qauema.

Oseas 4:11

De'era quisheguetaxac qataq na lataxa, ỹo'ot da deqat da no'on nataxac.

Proverbios 14:6

Ca nogoqtaxanaxaic qalaq nmittaique da naỹaanec qalaxaye saishet da ỹanata, qaq ca ỹaanataxanaxaic qalaq qaica ca lqalaic da ỹanata da naỹaanec.

Proverbios 24:7

Ca qaica ca ỹaỹaanapec sa ỹaỹaten ca llec ca la'aqtac da dataỹot ca nmit na nasouaxashet, cha'aye saishet da naloua'a de'era naỹaanec.