Proverbios 17:10 - La'aqtaqa Ñim Lo'onatac 'Enauacna 2013

¹⁰ Ca ỹaanataxanaxaic, ỹaỹaanataxanaxan da qanlaxa qaq ca qaica ca ỹaỹaanapec qalaq na'aictaxa da cien qaiuaxan qalaq saishet da daỹaanataxan.

Proverbios 17:10 Referans Kwoze

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

Proverbios 29:19

Saishet da ndotec da qaỹauota'aisalo naua na'aqtaqa da qanlaxanec da lataxac ca nlatac, cha'aye camaye ỹaỹaten damaye, qalaxaye saishet da ỹalaq.

Proverbios 27:22

Ca qaica ca ỹaỹaanapec na'aictoxo' da 'eeta'am aca nañiguishe ala da ỹataqta qailaxachigui da qaisoigui, qalaxaye camaye saishet da qanqateeguesop da qaica ca ỹaỹaten.

Proverbios 19:25

Da 'auaxan ca sancherapec, nache ỹaỹaanataxanaxan ca qaica ca ỹaỹaanapec, qaq da 'anlaxanec ca ỹaanaxanaxaic nache nquictec da lauattonaxanaxac.

Proverbios 15:5

Ca qaica ca ỹaỹaanapec ỹo'ota'n naua lqataxaco ca lta'a, qaq ca ilotegueta naua nqataxaco camaye sanqalat.

Proverbios 13:1

Ca ñalec ỹaanaxanaxaic ỹaconeguet na lapaxaguenataxanaxacpi ca lta'a, qaq ca saiuooneguet da qaitaxaỹot qalaq saiqocha'a na nqataxacpi.

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Proverbios 17:9

Ca saishet da iqocha'a da qainogoqchettac camaye ỹo'ot da qaỹauotec, qaq ca ipactega de'era nogoqtaxanaxac camaye ỹo'ot da qaỹoqta ca nauochaxaua.

Proverbios 17:11

Ca qauemaic nacherata da nmitta'ai da loquiaxac, qalaxaye qanamaxa camaye qome ca namaxashec qauemaic.