Proverbios 17:1 - La'aqtaqa Ñim Lo'onatac 'Enauacna 2013

¹ Na'aictoxo' da qanallectac ca nallec qaramta qalaxaye huo'o da nlagaxayec, qaq saq 'ena'am da qalota na qaỹo'ot nquia'axac qalaxaye nda'a't da loquiaxac.

Proverbios 17:1 Referans Kwoze

Proverbios 15:17

Qataq na'aictoxo' da qanallectac ca nallec huoue, qalaxaye huo'o da nsoxoyec, qaq saq 'ena'am da qanallectac ca chaxaraic lapat, qalaxaye huetaigui da nquiỹaxanaqtaic.

Proverbios 21:19

Qataq na'aictoxo' da qanayeetalec ca toolec 'alhua qalaxaye saq 'ena'am da qanayeeta'aguet aca 'alo yeloxoi qataq petaxai.

Salmos 37:16

Na saq 'amaqtaq lalamaxat ca ỹale no'on da lataxac, namaye ỹataqta 'onaxaic, qaq saq 'ena'am na qalota lsallaxa na qauemaicpi.

Proverbios 21:9

Na'aictoxo' da qanayeeta'a aca lallemaqhuo na pa'asheguem ca nỹec, qalaxaye saq 'ena'am da qanayeetaigui ca lta'araic nỹec da nhuoreua aca 'alo maye petaxai.

Proverbios 7:14

«Aỹem san co'ollaxa so ỹa'aqtac, da saneuo ca ỹachetaqtaxanaxat qanhuaachigui, qaq nagui sepacchigui se'eso ỹa'aqtac.

Proverbios 17:2

Ca nlatac sanqalat ivitta'a da ỹamaqtac ca ñalec maye saỹalaq, qataq camaye ivitta'a da nhuanaua'a na lalamaxatpi na lqaỹañecpi so saỹalaq.

Proverbios 15:16

Na'aictoxo' da choxoraq ca shiỹaxaua, qalaxaye huo'o naq 'enec naqa'en Ñim Nataxala', qaq saq 'ena'am da sallaxanec ca shiỹaxaua, qalaxaye nda'a't da nque'eenaxac.

Proverbios 16:8

Na'aictoxo' da saq 'amaqtaq ca naueguec, qalaxaye maiche na'añaqtegueshec, qaq saq 'ena'am ca qalota naueguec maye chegaqaigui ca sa lataxac.