Proverbios 16:8 - La'aqtaqa Ñim Lo'onatac 'Enauacna 2013

⁸ Na'aictoxo' da saq 'amaqtaq ca naueguec, qalaxaye maiche na'añaqtegueshec, qaq saq 'ena'am ca qalota naueguec maye chegaqaigui ca sa lataxac.

Proverbios 16:8 Referans Kwoze

Proverbios 15:16

Na'aictoxo' da choxoraq ca shiỹaxaua, qalaxaye huo'o naq 'enec naqa'en Ñim Nataxala', qaq saq 'ena'am da sallaxanec ca shiỹaxaua, qalaxaye nda'a't da nque'eenaxac.

Salmos 37:16

Na saq 'amaqtaq lalamaxat ca ỹale no'on da lataxac, namaye ỹataqta 'onaxaic, qaq saq 'ena'am na qalota lsallaxa na qauemaicpi.

Jeremías 17:11

Qaq cam desalligui da lcachaxac nache camaye 'eeta'am ca dachemi da nqapaxaaleguete caua saishet da lco'oue'ete. Nache da laiñi da nachaalataxac, nache da deqat 'enauac da lsallaxa, ime nache ivitta'a da 'eeta'am ca qaica ca ỹaỹaanapec.

Miqueas 6:10

Naua lma'ate na yeloxoicpi qalaq nlaqchiguilo da nsallaxa maye chegaqaigui da lcachaxac, qataq anam naloqnaxanaqte maye saq 'en maye ỹataqta seqaiga.

Proverbios 16:7

Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

Proverbios 16:9

Ca shiỹaxaua lapaxañi ca huotaique da llecỹaxac, qalaxaye Ñim Nataxala' nacheñi ñim ỹo'otegue da lqauaxac.

Eclesiastés 4:6

qalaxaye aỹem shenapec: «na'aictoxo' da sa qaỹalec catai' mataxaqui, qaq saq 'ena'am da ỹaguec da no'onataxanaxac, cha'aye damaye 'eeta'am da huotaique qanllañi na la'at.»

Proverbios 15:17

Qataq na'aictoxo' da qanallectac ca nallec huoue, qalaxaye huo'o da nsoxoyec, qaq saq 'ena'am da qanallectac ca chaxaraic lapat, qalaxaye huetaigui da nquiỹaxanaqtaic.

Proverbios 17:1

Na'aictoxo' da qanallectac ca nallec qaramta qalaxaye huo'o da nlagaxayec, qaq saq 'ena'am da qalota na qaỹo'ot nquia'axac qalaxaye nda'a't da loquiaxac.

Proverbios 28:6

Na'aictoxo' da choxoraq ca ỹale qalaxaye huo'o da llo'oxoyec, qaq saq 'ena'am ca sallaxanec qalaxaye qauema naua lhuennataxaco.