Proverbios 16:7 - La'aqtaqa Ñim Lo'onatac 'Enauacna 2013

⁷ Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

Proverbios 16:7 Referans Kwoze

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

1 Juan 3:22

Nache qomi' ỹanema cam seỹaxanaqaique, cha'aye salaxasoxoguet nam lamaxasoxonaxacpi, qataq so'otaq cam ỹaỹamaxareeta Ñimaye.

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

2 Crónicas 17:10

Nache 'enauac se'eso nta'alpi maye ilotague' so 'alhuapi maye lauoreuapi ye Judá, ỹataqta lta'araic da lcolanaxa da ñi'iỹa Ñim Nataxala', ỹoqo'oye saishet da delogui' so Josafat.

Jeremías 15:11

Qaq ñaq ipacchigui qome nam qauem la'aqtacpi namayepi, da 'Am Nataxala' saishet da ỹaỹamaqchiguiñi da ỹo'onataxanaxac da 'am so'onataxaatacot, qataq da saishet da 'am seỹaxaatacot co'ollaxa da 'anqouaguec nam ñepa'aguenaxauapi, co'ollaq huaigui da qauem qataq laquicoxo.

Génesis 33:4

Qalaxaye so Esaú, nqalgoqta'aguet somaye, nache qapalot na lqosot, qataq napigoxoi'. Nache soomaye nỹeeta'a't.

Génesis 32:28

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»

Colosenses 3:20

Qataq qami' ñaqpiolec, ỹataqta qaualaqaigueta caua qarta'alli', cha'aye damaye ỹataqta ỹaỹamaxareeta So Qarataxala'.

Filipenses 4:18

So Epafrodito aỹem ỹami' aso aỹem qanamaqỹa, qaq asomaye ỹataqta ỹapacauec. De'era qartaunaxanaxaqui ỹataqta ama da laitaỹaxac, 'ena'am da alaitaỹaxac aca nachetaqtaxanaqte maye qoỹanot Ñim Lo'onatac 'Enauacna da ỹataqta ỹamaateguet.

Salmos 69:31

Qaq Ñim Nataxala' ỹataqta ỹactec da machiguiñi qome naqa'en de'era, qaq saishet da 'eeta'am naqa'en da qaỹavigaxat ca huaca da qoỹanot Ñimaye, huo'otaq ca huaca llalec maye lỹatreuo naua lcoue qataq naua nna'ache.

Génesis 27:41

Qaq nache chegoqchiguiña co'ollaxa da so Esaú nquiỹa so Jacob, souaxat so nchoxonnataxanaxa maye so lta'a ỹanem somaye, nache deuennataxaataco', 'eeta': «Mashe saqaỹaloq da huo'o ca qarasouaxac souaxat ca l-leuaxa ñi ita'a. Qaq qom ime camaye, nache aỹem salauat qome ñi ỹaqaỹa Jacob.»

1 Pedro 3:13

Qaq ỹoqo'oye ¿negue'tom ca ishet da qami' ỹo'oteque ca sa ỹaỹamaxañi, da huo'otaq nache 'eetai' da qauo'ocheetac ca ỹaỹamaqchiguiñi? ¡Qomye qaica!

Éxodo 3:21

Qaq aỹem qome nataqa'en sanem yi'iye ỹalamaxatpi, da yaqto' ye Egipto le'ecpi ỹataqta ichoxoren yemayepi, yaqto' qami' qom ivita da qoqui, qalaq saishet da qui'itchiguilo naua qarhuaxayilli'.

Proverbios 3:17

Da llecỹaxac damaye ỹataqta 'onaxaic, da qanayecteguelo naua lleco qalaq ỹo'ot da nlagaxayec.

Proverbios 16:8

Na'aictoxo' da saq 'amaqtaq ca naueguec, qalaxaye maiche na'añaqtegueshec, qaq saq 'ena'am ca qalota naueguec maye chegaqaigui ca sa lataxac.

Jeremías 39:12

«'Aulo'ogue qome ñimaye saishet qome da 'auo'otec ca qauem, nacherata da 'aỹa'anem 'enauac cam iỹaxanaique ñimaye.»

Jeremías 42:12

Qaq huo'o qome da ichoxonnataxanaxa da qoñeeta, qataq nataqa'en so'ot qome da ñim nta'a qami' ichoxore'n, nache qami' ỹasheetrec da qavi'eguelaqaỹa ye qana'alhuai.›

Daniel 1:9

Qaq Ñim Lo'onatac 'Enauacna, ỹo'ot co'ollaxa da som ilotague' so nma' lta'araic, ỹataqta ỹamaateguet so Daniel,

2 Crónicas 20:30

Qaq ỹoqo'oye da lo'onataxanaxac so Josafat, ỹataqta huo'o da nlagaxayec, cha'aye Ñim Lo'onatac 'Enauacna ỹanem da qaica cara somaye, qataq da nhuoteete' so shiỹaxauapi maye lauoreuapi.

Esdras 8:36

Ime, nache qoỹanem so la'aqtac so nta'a, so nta'alpi qataq 'enauac so nataxala'pi maye ilotague' ye 'alhua maye pa'aỹa'ague da avit so tala Éufrates, nache somayepi 'enauac da itauan se'eso nhuo' le'ecpi, qataq da qaỹo'ot aso atamnaxaqui maye lalamaqte Ñim Lo'onatac 'Enauacna.