Proverbios 16:6 - La'aqtaqa Ñim Lo'onatac 'Enauacna 2013

⁶ Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Proverbios 16:6 Referans Kwoze

Proverbios 14:16

Ca ỹaanaxanaxaic ñi'iỹa'aguet ca qauem qataq ca'ai camaye, qaq ca qaica ca ỹaỹaanapec qalaq qaica ca huotaique.

Da na'aqtaguec so Job 28:28

Nache Ñimaye 'enapego' na shiỹaxauapi, 'eeta': ‹Da huo'o naq 'enec qanqa'en Ñim Nataxala', nachera da ỹoqta 'eesa naỹaanec›, qataq da qanayeca'ai na qauemsat, ‹nachera da ỹo'ot da qaica ca qanqalaate'.›»

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Proverbios 14:27

Da huo'o naq 'enec qanqa'en Ñim Nataxala', nachera da chegaqaigui da nca'alaxa, qataq nca'alaxateeguesop ca shiỹaxaua da loxonaxanaxac da nleuaxa.

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Proverbios 20:28

Da nchoxonnataxanaxa qataq da 'eesa lataxac, nachera da nlletañi ca nta'a, cha'aye da lo'onataxanaxac da nta'a na'attalec da nsoxoyec.

Hechos 15:9

Ñim Lo'onatac 'Enauacna saishet da qomi' lca'ataguilo, da yaqto' iỹotauga namayepi, cha'aye namayepi nataqa'en qaỹapalaxat na lasouaxashetpi co'ollaq ỹa'amaqten So Jesús.

Nehemías 5:15

Qaq so nta'alpi maye hua'aulec co'ollaxa da ilotague' somayepi, ỹataqta qalota nataqa'en aso isheeten se'eso nalamaxat nhuo' le'ecpi, cha'aye ye 'oonolec na'a'q, nache ỹataqta iỹaxaataua'a na nallec, lataxa nache añi lasheue ivi' aso cuarenta lcatpiole plata. Nataqa'en so ltauapi somayepi ỹataqta ỹoqolavin so shiỹaxauapi. Aỹem, qalaxaye saishet da sheetec de'era, cha'aye souaxat da sauotec qataq huo'o naq 'enec ñaqa'en Ñim Lo'onatac 'Enauacna.

Nehemías 5:9

Nache aỹem shenapega somayepi, sheeta': «De'era qauo'ocheetac, damaye ỹataqta saỹaỹamaxañi. Cha'aye da ishet da qarvichiỹa'a da le'enaxanaxac na qomi' ipa'agueeta'ape, nache qami' qauachaxañi da huo'o naq 'enec qanqa'eñi Ñim Qanatamnaxala'.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

Efesios 5:21

Ñi 'oonolec qome da qoñiita ỹataqta ipacapegue' ca lỹa, souaxat da ỹataqta huo'o naq 'enec qanqa'eñi Ñim Lo'onatac 'Enauacna.

Juan 15:2

Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Salmos 85:10

Da nauotaxanaqtaic qataq da 'eesa lataxac nauana't qome, da nlagaxayec qataq da nalochiguiñi lataxac qalaq napigoqtega't qome.

Génesis 20:11

Nache so Abraham ỹasateguet somaye, 'eeta': «Aỹem sepettega da ne'ena nma' da qaica ca 'enec qanqa'en Ñim Lo'onatac 'Enauacna, qataq da aỹem qaỹalauat souaxat añi ihua.

Éxodo 1:17

Qalaxaye aso Sifra, qataq aso Púa, ỹataqta huo'o da lcolanaqa' Ñim Lo'onatac 'Enauacna, ỹoqo'oye saishet da ỹo'o't da lamaxasoxonaxac so nta'a maye ilotague' ye Egipto. Nachaqrata da nca'altauec naqa'en da ñiguiñi na ỹale.

Éxodo 20:20

Nache so Moisés, 'enapeco': «Saishet qome da qayi'i. Cha'aye Ñim Lo'onatac 'Enauacna anac da choche qami' ỹe'egue'n, yaqto' nache 'eetai' da qayi'iỹai Ñimaye, qataq saishet da qauo'oche ca sa ỹaỹamaxañi.»

Proverbios 3:7

Saisheto' qome da 'aupettega da 'am ỹaanaxanaxaic, nacherata da huo'o naq 'enec 'anqa'en Ñim Nataxala' qataq qoca'ai nam qauemsat,

Proverbios 16:5

Ñim Nataxala' saisheteguet na ño'oxonnaxaicpi, ỹoqo'oye taỹa'a naqa'en da ỹauo'o ca nhuaxanaguec.

Levítico 25:17

Saisheto' da huo'o ca ỹatenachet ca lỹa da ỹe'enai'. Nacherata da huo'o naq 'enec naqa'en Ñim Natamnaxala', qaq 'era da ỹa'aqtac, Aỹem Nataxala' maye Qanatamnaxala'ai.

Deuteronómio 30:13

Qataq saishet da hueta'atague da le'ego aca auaxai da huo'otaq qoñiita' ca qara'aqtaqui: ¿Negue'tom ca ishet da ỹa'axasoxoolec aca auaxai da ỹe'eguena'ata da qomi' ndo'otalo da yaqto' saỹatenaq qataq salaxasoxoguet de'era napaxaguenataxanaxac?

Proverbios 3:3

Saisheto' qome da 'aỹa'axanec da nsoxoyec, qataq da 'eesa lataxac, qataq 'auachetac qome 'eeta'am 'anqa'en aca 'arqola. Qataq 'oxotoigui da 'antoonaxac.

Proverbios 14:2

Ca no'oitegue da lataxac qalaq huo'o naq 'enec naqa'en Ñim Nataxala', qaq ca sa ỹaỹamaxañi da lataxac qalaq ỹo'otan Ñimaye.

Daniel 4:24

Qaq 'era dam naigui da lapaxañi Ñim Lo'onatac 'Enauacna maye Nataỹaña 'Enauacna da 'am talec qome 'am nta'a.